Entzun prentsaurrekoa

Jaitsi prentsaurrekoa: mp3 / ogg

Prentsaurrekoan irakurritako testua:

Gaurkoan hemen bildu garenok, Zintzilik Irratia eta EMTEko kideok, badugu zer ospatu. Izan ere, Zintzilik Irratiak 25 urte beteko ditu aurtengo denboraldian, eta EMTE-k 18 urte… Beraz, URTE ASKUAN!!!

Zintzilik Irratiaren lehenengo emisioa 1984ko abenduan izan zen. Garai haietan irrati libreak zabaltzen hasi ziren Euskal Herrian, komunikabide ofizial nagusiek ixiltzen zutena zabaltzeko asmoarekin. Zentzu horretan, Zintzilik Irratia Oreretako kolektibo, elkarte, talde eta pertsona guztien ideak, iritziak, kritikak eta zuzenean eragiten dienaren inguruko proposamenak egiteko duten eskubidea eta beharraren aurrean sortzen da.

Tamalez, “komunikazioaren” (gezurren komunikazioaren) zentralizazioa eta monopolioa dutenak berdinak jarraitzen dute izaten, eta gaur egun pentsatze hutsa bera ere delitua bihurtu denean, trabak handitu besterik ez dituzte egin. Adierazpen askatasuna behin ete berriz ukatzen digute.

Halere, Zintzilik Irratiak bizirik darrai FM 100eko bandan, fresko eta gogoz kontrainformazioaren bozgorailua izaten jarraitzeko, sektore herrikoien, baztertuen, zapalduen eta erasotuen ahotsak zabaltzeko, barregiteko, maitatzeko, amesteko edo kontrolatzen gaituztenak iraintzeko, nahi izanez gero.

Balore kapitalistak muturreraino iritsi diren garai hauetan 25 urte autogestioan, parte hartzean eta asanbladan funtzionatzeak erakusten du bizitza antolatzeko bestelako modu batzuk posible direla, egi gehiago existitzen direla, eta batez ere, horretan sinistu eta jarraitzeko nahiak, gogoak eta jende asko badagoela.

Guzti hau ospatzeko, hurrengo larunbatean, urriak 10, jai herritar bat antolatu dugu. Irratiarekin modu ezberdinetan kolaboratu eta kolaboratzen duzuen guztiak zaudete gonbidatuta, zuek gabe, proiektu hau ez litzatekeelako egia izango, mila esker!

Egitaraua eta berri gehiago Zintzilik irratiaren 25. urtemugaren inguruan,

http://www.zintzilik.net/?cat=29

Urriaren 10a aukeratu dugu Zintzilik Irrati eta Errenteriko Musika Taldeen Elkarteak (EMTE) gure urtemugak ospatzeko.

Zintzilik irrati libreak 25 urte beteko ditu aurtengo denboraldian, eta EMTEk 18 urte… eta hau ongi ospatu behar da!

Ehundaka herritar pasa dira Zintzilik eta EMTEtik urte hauetan, eta larunbateko jaia hasierako, betiko eta oraingo lagun guztiekin ospatu nahi dugu.  Horrexegatik, urriaren 10erako jai herritar bat antolatu dugu, hona hemen egitaraua:

- Goizeko 10:30etan, irrati saio berezia Oreretako Zumarditik zuzen-zuzenean. Bertan Zintzilik irratia sortu zuten lagun, herriko elkarte eta kolektibo pila eta irratiko kolaboratzaile eta lagunak izango ditugu.

- Goizean zehar, Oreretako erdialdean kale animazioa: Zumardi, Herriko plaza, Alondiga, Xenpelar eta Biteri txiki kaleetako “tontodromoan” performantzeak, antzerkia, kale musikariak, bertsolariak, trikitilariak, serigrafia, azoka eta beste hamaika ekitaldi izango ditugu.

- Eguerdiko 14:00etan bazkari herrikoia Txintxarri elkartean. Sarrerak salgai Oñatiarra, Arkaitza eta Sindikato tabernetan (12 € langabetu eta ikasleek, eta 15 gainontzekoek)

- Bazkalostean Matxura Buruan show, Imanol Karballo kantautorea eta sorpresak.

- Arratsaldeko 18:30etan kontzertu erraldoia zumardiko karpan: 2 Daion, Soon Treess, T.Dinox, Toil, Frida Pipol, Boogie Van, Trigger Travis, Kontrako Eztarritik, Korumba (hauek denak EMTEko taldeak)  eta Leize talde gonbidatuarekin. Kontzertua doan, noski! (eta zuzenean FM 100 eta www.zintzilik.net-etik)

Entzun abestia:

Jaitsi Zintzilik irratiaren abestia: ogg / mp3

Entzun kuña:

Jaitsi U-10 kuña: ogg / mp3

Zintzilik irratiaren urtemuga dela eta urtean zehar ospakizun eta ektaldi gehiago egiteko asmoa badugu. Horiei buruzko informazio guztia helbide honetan biltzen joango gara:

http://www.zintzilik.net/?cat=29

Orain dela urte eta erdi antolakuntza arazoak zirela medio zuzeneko emisioak etetea erabaki genuen Oreretako Zintzilik Irratian.

Irratiaren funtzionamendua berrantolatu beharra zegoen, eta horretan aritugara denbora honetan: asanbladaren egoera aztertu, lan taldeak sortu,tresnak eta azpiegitura berritu, autogestioarekin nola aurrera eginaztertu, …

Eta orain uhinetara itzultzeko ordua iritsi zaigu, eta ikaragarrizkogogoarekin hasiko gara berriz ere martxan.

Programazioaren aurkezpena azaroaren 22an egingo dugu eguardiko12:00etatik aurera. Irratia Oreretako Zumardira jaitsi eta bertatik emangodiogu hasiera denboraldi berri honi. Zumardiko saioak irauten duenbitartean Irratiko arranoak Oreretako auzoetan ibiliko dira herritarrenhitza jasotzen. Eta aurkezpena amaitzeko, eta denboraldi berri hau ondohasteko, babarrunada eder bat egingo dugu Txintxarri elkartean.

PROGRAMAZIOA:

Ekoizpen propioko 18 saio eskainiko ditugu azaroaren 24tik aurrera

Oreretako Herreriatik (Oarsoaldean entzuteko FM 100 eta munduan zehar

entzuteko www.zintzilik.net)

Saio batzuk urte mordoxka daramate Zintzilik irratian: “Milaka Luma” gay,

lesbiana eta transexualen alde, “Escrache” ekintza eta salaketaz beteta,

“Desfase Lunar” amalurraren alde, “El vuelo del cisne negro”

literaturarekin jolasean, “Onirismos Subjetivos” ziberespazioan …

Beste irratsaio batzuk 2. aldiz itzuliko dira (”Licor Cafe” galegoak,

“Mente Radioactiva” Brasilgo doinuarekin, eta “Inframundo” eta “Pasa La

Vida” musikalak.

Eta saio berriak ere baditugu: “Matxura Buruan eta Ibili Munduan”

umoretsua, “Alargun Beltzaren Besarkada” gai interesgarriak, eta “Whore

House” eta “Jauja” musikalak.

“Erretegia” albistegiari 2 ordu eskainiko dizkiogu arratsaldeko

20:00etatik aurrera astelehenetik ostiralera: Orereta eta eskualdeko

berriak, herriko eragile eta mugimendu ezberdinetako lagunekin

elkarrizketak, kolaboratzaile ezberdinen ahotsak, Euskal Herri eta

Estatuko irrati libreen audioak eta agendak osatuko dute Erretegia.

Programazioa “Arrosa” sareko bost irratsaiorekin osatuko da: “Aittitta

Raduga”Lekeitioko Arrakala irratitik kuriosidadez eta musikaz; Eibarretik

Matraiako irratiaren Gora Euzkadi Chistulari”ren aktualitatea umorez:

Gaztesarearen “Irauli Uhinak” gazteon berri eta borrokekin; Iruñako Eguzki

irratiaren “Kateak Apurtu” saio antierrepresiboa , Gasteizko Hala Bediren

“A deslambrar” saio internazionalista eta Bilbotik Tas Tas irratikoen

elkarrizketak “Hondarren Lapikoa”.

R-Media saioan beste irrati libreen audioak, hitzaldien grabaketak eta

halakoak izango dira entzungai.

Eta noski musika tarteak, saio bereziak eta bestelako sorpresak ez dira

faltako urtean zehar.

Beraz prestatu belarriak…

Jaietako egitarau alternatiboa www.zintzilik.net webgunean

topatuko duzue.

Ohiko programaziora itzultzen ez garen bitartean musika eta kuñak izango dituzue FM 100ean eta interneteko emisioan, eta www.zintzilik.net orrian soilik agendako berriak ipiniko ditugu.

Zintzilagun eta Zintzilik irratiko entzule, kolaboratzaile eta lagunei programazioa eten beharra sentitzen dugula adierazi nahi diegu.

Programaziora lehenbailehen itzultzeko lanean ari gara.

Euskal Herriko hainbat herritan burutzen den “Zine txiroa” izeneko
ekimenarekin bat eginez eduki sozialak dituzten dokumentalak proiektatzen
dira hilean behin Errenteria /Oreretako Mikelazulo elkartean.

Martxoan “Isiltasun kalea” ikusi genuen, eta “Erretegia” saioan
zuzendariarekin egoteko aukera izan genuen. Entzun elkarrizketa.

Ostiraleko Erretegia saioan Korrikarekin konexioa egin, eta Gasteizen harrapatu genituen euskararen aldeko korrikalariak. Entzun hemen Igor-ek egindako kronika Gasteizetik.

Eta gaur Korrika eskualdean izango dugu. 13:45ak inguru iritsiko da Korrikaren 15. edizioa eskualdera, Perurenatik Oiartzunera sartuko da, eta 17:00ak aldera aterako da Antxotik Donostiarako bidean. Oreretara 15:04etan helduko da Fandariatik. (Orertako ibilbidea eta ordutegia www.zintzilik.net-en dituzue)

Eta Korrika gurean izanik, bada aureko edizioetan egin izan dugun bezala, gaurkoan ere Oreretako Zintzilik irratian eta Oiartzun irratian irratsaio berezia egingo dugu larunbat honetan 13:00etatik 16:00ak bitarte.

Korrikarekin zuzeneko konexioak, lekukoa hartuko dutenekin elkarrizketak, Korrika egitaraua, musika, etab… izango duzue entzungai Oarsoaldeko FM 100 eta 107an edo www.zintzilik.net-en bidez munduan zehar. (ez ahaztu Korrikara irratiarekin jaistea, GPS lanak egingo dizkizuegu eta)
Bestalde gogoratu Korrikak irauten duen bitartean zuzeneko Konexioak egingo ditugula Erretegia saioan (gaueko 20:30etatik 22:00etara astelehenetik ostiralera) eta apirilaren 1ean Iruñean ere izango gara Eguzki irratiaren eskutik.

Lezoko bizilagunen haserrea eta protesta eragin zuten garajeak hain zuzen Moyua enpresa ari da eraikitzen, eta Moyua enpresak AHTaren zati bat eraikitzeko asmoa ere badu.

Garabira igotako bi lagunak goizeko 11:00ak aldera identifikatu ditu ertzaintzak, baina ez dute protesta amaitu  arratsaldeko 18:00etan garabitik jaitsi diren arte.

Erretegia saioan Lezon protesta hau burutu duten taldeko lagun batekin egon gara.

Hona hemen egindako elkarrizketa.

Euskararen Gizarte Erakundeen Kontseiluak Oreretako Udalaren hizkuntza politika neurtu du.
Gipuzkoan neurtu dituen herrien artean emaitza txarrenak lortu ditu Oreretak: 10 puntutik 3,11 bakarrik.
Neurketaren emaitzak kezka handiz hartu dituzte herriko euskalgintzan diharduten eragileek (Euskal Herrian Euskaraz, Lau Haizetara Euskaldunon Elkartea, Udal Euskaltegiko langileak, Langaitz Ikastola, Orereta Ikastola eta Xenpelar AEK euskaltegia) Horregatik, neurketa azaltzeko eta Oreretako emaitzen berri emateko hitzaldia antolatu zuten aurreko ostegunerako, Mikel Balentziaga, Kontseiluko ordezkaria, izan zelarik bertan.

Irratiko kolaboratzailea den Imanol Minerek gai hau jorratu zuen aurreko astean ordu erdiko solasaldi atseginean. Entzun Imanolen kolaborazioa.

Foru Aldundiak publiko egin ez eta Jaizkibel Bizirik taldeak plazaratu du dokumentua.

Jaizkibelgo itsasertza kanpo kaiarekin suntsitu, egungo barruko kaia mantendu eta azpiegituraz jositako eskualdea aurreikusten da dokumentu horretan.

Hurrengo egunetan Jaizkibel Bizirik taldea bailarako kolektiboekin bilduko da, jendartean “beldurrezko mapa” hau ezagutzera emateko asmoz.

Entzun Jaizkibel Bizirik-eko kidearekin egindako elkarrizketa

Info +: www.nodo50.org/jaizkibel