Arrosa, Euskal Herriko Irrati-sarea » Arrosa

Baserritik Mundua. Uholdeak eta suteak Euskal Herrian

baserritik — Fri, 03 Feb 2012 11:13:16 +0000

Karrantza inguruan suteek eragin handia izan dute bertako basoetan, eta asteburuko euriteek izugarrizko kaltea eragin dute Gipuzkoan. Baserriak ere, oso kaltetuak suertatu dira eta uholdeen eraginari buruz hitz egin dugu Zestoako Manuel Odriozola baserritarrarekin.
Lurrama azokaren arrakasta aipatzeaz gain, aste honetan baserri munduan izan diren albiste eta gertaera garrantzitsuenak aipatu ditugu. Astero, Baserritik mundua saioan horrelako gaiak jorratuko ditugu.

TXAPA IRRATIKO DENBORALDI BERRIKO PROGRAMAZIOA

Txapa Irratia — Fri, 11 Nov 2011 16:45:55 +0000

Txapa irratia 27. urtez ere uhinetan egongo da! FM 97.20an Bergarako irrati libreak komunikabide eredu ezberdin bat posible dela frogatuko du beste behin. Herritarrei irekia, asanbladan oinarritutakoa, librea, ez komertziala eta pirata!… Aurten ere gure ezaugarriei eutsiko diegu eta teknologia berrietan eta Arrosa irrati sarean oinarrituta kalitatezko programazio bat eskainiko diegu Fm bitartez gurekin bat egiten duten Bergararrei eta internet bitartez entzuten gaituzten munduko hiritarrei!

2011-2012 denboraldian 14 irratsaio propio izango dittugu eta gure irratsaioez gain , Arrosa irrati sareko hainbat irratsaiorekin osatuko dugu gure parrillia.

TXAPAKO IRRATSAIOAK

SASI GUZTIEN AZPITIK:

Bergarako gaiak jorratuko ditu eta txapako asanbladako irratsaioa izango da . Hilean behin Astelehenetan atsaldeko 21:00etan.

90 SEGUNDU

90seg minutu eta erdi baino gutxiagoko kantuez osatutako orduerdiko irratsaioa da, asteroko maiztasuna izango duena. Bertan, era guztietako musikak jorratuko dira. Asteartetan Arratsaldeko 19:30etan.(irratsaio berria).

AMETSETAKO LURRA

Ametsetako lurra gaur egun, hiru kide landutako saioa da.
Hemen dena lor, sor eta egin dezakegu. Izan ere, gure ideiak, emozioak,ametsak eta abar bideiaratzen ditugu. Hori bai, musikaren bitartez. Asteartetan arratsaldeko 20:00etan (15ean behin).

JAR ITZAZU TAPOIAK

Harcore musika inguruko irratsaioa da gehienbat, ikusi ditugun kontzertuetaz hitzegiten egoten gara eta datozen kontzertuetaz ere informatzen dugu… noiz behinka oparitxoren bat ematen dugu,egindako galderaren baten truke noski!!gonbidatuak ekartzen ditugu iritzi ezberdiñak izateko…kaña bizitzari!!!! Asteartetan gabeko 21:00etan (irratsaio berria)

BERBENIR

Urtebete mutu egon ondoren, berbenir irratsaioa bueltan da Txapa irratian.Jazz, flamenko, bossanova…doinuak entzuteko aukera paregabea! Asteazkenetan arrtsaldeko 18:00etan.

GURE PARADISUA

xapa irratiko obserbatorixo metereologikua martxan jarri da. Udaberriarekin batera hasi eta urte osoan zehar , hilabetero eta ilargiaren pista jarraituz haizearen etorkizuneko nondik norakoa komentauko ditugu.
Irratsaioan Azurren esperientziak, entzungai egongo dira. Saio hauek ilargiaren il´berri, il´gora, il´bete eta il´behera arratsaldetan izango dira. Asteazkenetan 19:30etan ilargiaren arabera.

KOLAX

2005tik uhinetan dagoen irratsaio kontrainformatiboa. Elementu ezberdinez osatutako kolax radiofonikoak, gai sozialak, kulturalak… jorratzen ditu. Kolaxa sortzeko elkarrizketak, albisteak eta kolaboratzaile ezberdinen ahotsak tartekatzen ditu. Asteazkenetan gabeko 21:00etan.

HAUNDIKEITTAN

Umore irratsaioa.Ostegunetan arratsaldeko 20:00etan( 15ean behin)

GURASOAK

Gurasoak.com-en oinarritutako irratsaioa,Txatxilipurdi euskara eta aisialdi taldearen eskutik.Ostegunetan gabeko 21:15etan

KALEKO MOBIDA

Ekaitz Etxezarretaren eskutik punk-oi musika irratsaioa.Ostegunetan gabeko 22:00etan.

XELEBREGARA

Bergaran, bergaratarrak eta hain bergaratarrak ez dianon artian irtetzen dian xelebrekerixak, bi zapatutik batian, modu bitxi batian kontauko daben irratsaiua! Bazkal ondorengo kafetxua hartzen dan momentu horreitan telebista aurrian jarri ta gizurrak entzun biharrian, Txapa irratixa entzun ta gizurrak biharrian gure herriko berrixak jasoko ditxuzu, gertaerak, egitaraua…, ta hori dana inungo manipulaziño barik! ez dozula siñisten? ba egixa dala ikusteko probaik onena, Larunbatetan eguerdiko 15:00etan 15ean behin (irratsaio berria.

BERGARA SUTAN

Bergarako gazte asanbladaren irratsaioa, funtsean gaztetxearen proiektuak eta bertako ekitaldiak dute pisu nagusiena. Agenda eta gaztetxearen nondik norakoak errepasatzeaz gain ordea, gaurkotasuneko albisteak eta beste gai batzuk ere jorratzen dira beti ere musikaz lagunduta. Irratsaioa hilabeteko azken larunbateanatsaldeko 19:00etan.

TXAPA IRRATIKO ETA GAZTETXEKO KONTZERTUAK

Gaztetxean antolatutako kontzertuak zuzenean eta taldeei egindako elkarrizketak .Ostiral eta Larunbatetan kontzertuak daudenean.

ANUSASO

“Garapen pertsonalari eta osasunarekin zerikusia duten gai guztietaz hitz egingo duten profesional ezberdinak ezagitzeko aukera emango dizun irratsaioa da. Bizitzaren bideak aurkitzeko eskainia: maitasuna, zoriontasuna, atsekabea, beldurra….gure bizitza osatzen eta eragiten duen guzti hura. Zure bilaketari irtenbideak aurki dakizkiozun. Bereziki zuretzako sorturiko irratsaioa, zeure hazkunde pertsonalean eta zeure osasunean interesaturik zauden horrendako.” Igandetan gaueko 21:00etan. ( irrasaio berria)

ARROSAKO IRRATSAIOAK

Irratsaio hauetaz gain Arrosa irrati sareko hainbat irratsaiorekin osatuko dugu gure parrilla.Musika,internazionalismoa,literatura,kultura,…Jorratzen dituzten irratsaioak.

Aurtengo berritasunen artean,Astelehenetik Ostiralera. arratsaldeko 16:00etatik 18:00etara Zebra bidea Hala bedi,Tas tas eta Antxeta irratiak ekoiztutako Euskarazko magazina izango dou entzungai.

Iaz bezela goizean 7:30etan kalegorrian info 7ko magazina,10etan Suelta la olla, Hala bedi,Eguzki eta Tas-tas irratiko magazina eta 13:30etan eta 20:00etan Info 7ko albistegia izango ditugu entzungai.

Txapa irratia ,zuzenean entzuteko FM-an entzuteko, 97.20 sintonizatu beharko da Bergara inguruan, eta internet bidez, http://www.txapairratia.org/ webgunearen bidez.

Txapa irratiaren denboraldi berriaren programazio aurkezpen kontzertua izango dou , Azaroak 18 Ostiralean atsaldeko 19:30etan Bergarako gaztetxian.

Programazio berria aurkeztuko dou eta ondoren Petti bakarlari Beratarra izango dou Gaztetxeko eszenatokian

Kontzertua zuzenean entzuteko aukera izango da Txapa irratiaren bidez. FM-an entzuteko, 97.25 sintonizatu beharko da Bergara inguruan, eta internet bidez, http://www.txapairratia.org/ webgunearen bidez.

TXAPA IRRATIKO PROGRAMAZIO BERRIAREN AURKEZPEN KONTZERTUA:PETTI

Txapa Irratia — Tue, 25 Oct 2011 16:06:45 +0000

Txapa irratiaren denboraldi berriaren programazio aurkezpen kontzertua izango dou , Azaroak 18 Ostiralean atsaldeko 19:30etan Bergarako gaztetxian.

Programazio berria aurkeztuko dou eta ondoren Petti bakarlari Beratarra izango dou Gaztetxeko eszenatokian.

TXAPA IRRATIKO KONTZERTUAK:MAIATZAK 14 WILLIS DRUMMOND + SUMMISION CITY BLUES

Txapa Irratia — Thu, 28 Apr 2011 08:46:27 +0000

Txapa irrati libreak antolaturiko emanaldien barnean, WILLIS DRUMMOND eta SUMISION CITY BLUES taldeak Bergarako gaztetxean ariko dira datorren Maiatzak 14 Larunbata gaueko 22:30 etan.
Iparraldeko Willis Drummond talde indartsuak “Istanteak” izeneko hirugarren diskoa aurkeztuko du . “Anthology”, taldearen izen bera daraman bigarren diskoa eta “Zuzenekoak” kaleratu ostean, Bidehuts plataformaren bitartez lan berria kalean da dagoeneko.

Beste inork ez bezala, post-hardcorea eta hard-rocka (!!) nahasten dituzte.Askok esan dute Euskal Herriko zuzeneko indartsuena eta irmoena dutela; eta ez da gutxiagorako. Entzun, ikusi eta K.O. eginda geldituko zara!

SUMISIÓN CITY BLUES (Gasteiz, EH) MinkDeville eta Cicatriz-en arteko ezinezko nahasketa. Tradizio fineneko ortodoxia eta gitarreo eleganteak azidoa bailiran begietatik sartzen. Lokatz eta zikinkerizko hitzak ahots mingarriz gure bizkarrak behin ta berriz gaztigatuz. Countrya batzutan, blues zikina besteetan erritmo dantzagarri batzuetaraino zukutuaz, baina beti dotore, beti zikin. Estreineko lanaren ataritan lehen aldiz Bergaran Gasteiztik datorren banda.
Esana nahikoa ez balitz, jakin dezazula taldea Obligaciones-tar Pelak eta Antik, LosPadrinos-tar Davidek, SextySexers-tar Josebak eta KikePenike bajistak osatzen dutela.

Kontzertua zuzenean entzuteko aukera izango da Txapa irratiaren bidez. FM-an entzuteko, 97.25 sintonizatu beharko da Bergara inguruan, eta internet bidez, http://www.txapairratia.org/ webgunearen bidez.

TXAPA IRRATIKO KONTZERTUAK:APIRILAK 2 BIZARDUNAK ETA JOSEBA IRAZOKI

Txapa Irratia — Mon, 28 Mar 2011 10:08:28 +0000

Txapa irrati libreak antolaturiko emanaldien barnean, Joseba Irazoki eta Bizardunak taldea Bergarako gaztetxean ariko dira datorren Apirilak 2 Larunbata gaueko 22:30etan

.Denboraldi bat emanaldirik eskaini gabe egon eta gero, Bizardunak taula gainera igo dira berriz ere. Martxoarekin batera etorriko dira emanaldiak, eta kontzertu dezente hitzardu dituzte dagoeneko: “En Zugzwang” (Gor Diskoetxea) diskoko kantuak izango dira nagusi emanaldi honetan

Emanaldia Joseba Irazoki musikari nafarrak irekiko du. Azken hilabeteetan Atom Rhumba taldearekin buru belarri egon eta gero, Bergaran eskaini behar duen emanaldi honetan, berezko kantuei eutsiko dio berriz ere. Musika parametro ezberdinak entzuteko parada izanen da emanaldi honetan. Pop musika, folka, rock zertzaladak eta bapateko musika sorkuntzari bide emango dio Irazokik.

Zuzeneko kontzertua amaitzean, musika festa izango da Elviscaino disko jartzailearen eskutik.

kontzertua zuzenean entzuteko aukera izango da Txapa irratiaren bidez. FM-an entzuteko, 97.25 sintonizatu beharko da Bergara inguruan, eta internet bidez, http://www.txapairratia.org/ webgunearen bidez.

‘Oiartzuarren Baitan’ irratsaioaren 2. denboraldia

Arrakala Irratija — Thu, 26 Nov 2009 06:48:37 +0000

Aste honetan hasiko du ‘Oiartzuarren Baitan’ irratsaioak bigarren denboraldia. Lekeitioko Arrakala eta Oiartzun Irratiak elkarlanean emititzen duten saio hau Oiartzungo Ttur-ttur Euskaltzaleon bilguneak ekoizten du.

‘Oiartzuarren Baitan’ irratsaioa Lekeitioko Arrakala irratian grabatzen da eta Oiartzun Irratian eta Arrosa sarean emititu. Batez ere oiartzuarrei zuzendua badago ere, gainontzeko euskaldunentzat ere saio egokia da: Oiartzungo hizkeraz gain, beste herrietako euskalkiak ere konparatzen baitira saioan, Ahotsak.com-eko ondareari esker.

Aurreko denboraldian ez bezala, oraingo honetan, euskalkiaren ezaugarriei gehiago erreparatuko diogu. Oiartzuerari dagokionez: bertako aditza, hiztegia, sintaxia, esaerak, e.a. nabarmenduko ditugu. Aurreko denboraldian, gai bat aitzakiatzat hartuta, euskalkiak entzuten genituen: Ikasteko lehendabiziko prozesua, gure ustez, entzutea baita. Eta horretaz gain, garai bateko kontuak ere ikasi genituen. Aurten, jarraituko dugu garai bateko kontuekin, baina oraingo honetan, herri hizkeraren ezaugarriak erakutsi eta erabiltzera animatuko dugu. Herri hizkeraren aberastasunak, hizkuntza kalitatea hobetu eta erabilera erraztuko duen itxaropenarekin.

Frantxiska Pagadizabal Artolari elkarrizketa egiten

Irratsaioa entzuteko: Oiartzun Irratian, asteazkenetan, arratsaldeko 17:00etan. Lekeitioko Arrakala Irratian, astearteetan goizeko 11:00etan. Arrosa sarea bitartez. Edota, oiartzuarrenbaitan.com web orritik. Eta ahozko ondarea kontsultatzeko oiartzuarrenbaitan.com eta ahotsak.com

25 urteaurreneko ekintzak: Inguruko irratiekin elkarrizketa

Txapa Irratia — Thu, 19 Nov 2009 16:22:20 +0000

Lehenengo bi egunetan gure buruari begira ibili bagara ere, Txapan ere badakigu lehiotik begiratzen. Nahiz eta inguruan dagoen irrati beteranoena izan, Arrasaten eta Urretxun ere badira irrati libreak, gazteagoak, baina indarrez eta gogoz beteak. Asteazkenean, Itxungi Irratiko (Arrasate) eta Kkinzonako (Urretxu) partaideekin elkarrizketa bat izan genuen entzungai. Asteartean 80. hamarkadan irrati libreek zein zentzu zuten kontatzen ibili baginen, Asteazkenean aurrera doan mende berri honetan irrati libre bat sortzeak duen zentzuari buruz aritu ginen hizketan. Gainera, nahiz eta errealitate baten eta bestearen artean 25 urte pasatu diren, gauzak hain desberdinak ere ez direla konturatu ginen, arlo teknikoa aldatu da, baina pertsonen komunikatzeko gogoak oraindik ere bizirik dirau!!

Click To Play

25 urteaurreneko ekintzak: Irratiaren lehen pausuak

Txapa Irratia — Thu, 19 Nov 2009 16:20:30 +0000

Asteartean hemen izan genituen irratiaren lehen urteetako partaide batzuk, beraiekin solasaldi ederra egiteko aukera edukiz. Bertan izan ziren Jesus eta Joxe hasierako gora beherei buruz hizketan, zergatik sortu zen, noiz, non, anekdotak,… Oroitzapenez betetako irratsaioa, orain dela 25 urteko kontuak entzuteko. Hura bizi ez genuenentzat garai hartako giroaz kutsatzeko aukera paregabea.

Click To Play

25 urteaurreneko ekintzak: Programazioaren aurkezpena

Txapa Irratia — Wed, 18 Nov 2009 16:01:56 +0000

Hasiak gara jada 25 urteaurreneko ekintzekin, nola hasi gainera! Lehenego irratsaio berezian programazioa aurkeztea genuen helburutzat eta hori bakarrik ez, beste hainbat gauzetaz ere hitz egin dugu: zer izan den guretzat irratia, nola egiten ditugun irratsaioak, urte hauetan ikusi ditugun aldaketak… Gure burua nolabait biluztu dugu aurkezpen honetan, kutsu serioa eta umorea neurri berdinean uztartuz eta dexente hitz eginaz (baita gure ahots instituzionala den Iñigok ere, jejeje).
Baina ez dizugu guztia kontatuko, zuk ere zerbait egin beharko duzu gehiago jakin nahi izanez gero. Gauza gutxi, egia esan, entzutea besterik ez dizugu eskatuko, ohi bezala.

Click To Play

Arrakalako parrillia (Urrixa 2009)

Arrakala Irratija — Mon, 05 Oct 2009 20:45:45 +0000

ASTELEHENA
8.00 MUNDO COCEK – munduko musikak – Eguzki Irratia (Iruñea)
13.00 MATXURA BURUAN ETA IBILI MUNDUAN – umore sarkastikoa – Zintzilik Irratiya (Orereta)
21.00 10 MUNDU – teknologia euskaraz – Ttan Ttakun irratiya (Donostia)

MARTITZENA
8.00 CELOSAMENTE GORDEA – literatura – Hala Bedi Irratia (Vitoria-Gasteiz)
11.00 OIARTZUARREN BAITAN – ahozko ondarea – Arrakala eta Oiartzun irratiak
13.00 INSERT KOIN – umore nerabea – Uhinak Irratia (Aiara)
21.00 MAR DE FUEGUITOS – internazionalismua – Tas Tas Irratia (Bilbao)
22.00 KOLAX – magazine – Txapa Irratixa (Bergara)

EGUASTENA
8.00 AITTITTA RADUGA – saio atenporala – Arrakala Irratija (Lekeitio)
13.30 OIARTZUARREN BAITAN (errepikapena)
20.00 INSERT KOIN (errep.)
21.30 ADI – musika aktualitatea – Irulegi irratia (Baxenafarroa)

EGUENA
8.00 RADIOKULTURA – kultur podcasta – Lapurdi
8.05 BERBENIR – groove eta musika arrarua – Txapa Irratixa (Bergara)
13.00 SOUND SYSTEM – (Aritz DJ) musika beltza – Molotoff Irratiya (Hernani)
21.30 EUSKALERRIAREN YAKINTZA – Azkuen upin bildumia – Arrakala Irratija (Lekeitio)
22.00 HEGOALDEKO OSTATUA – (Morau) munduko musikak – Info7 Irratia (Urruña)

BARIJAKUA
8.00 HONDARREN LAPIKOA – asteko onena – Tas Tas Irratia (Bilbao)
13.00 ARGIZIRIN AITALDIA – Baztango berriek – Xorroxin Irratie (Elizondo)
15.00 AITTITTA RADUGA (errep.)
19.30 A DESALAMBRAR – internazionalismua – Hala Bedi Irratia (Vitoria-Gasteiz)
21.30 QUARK – zientzia kontuak – Elhuyar fundazioa (Podcast)

ZAPATUA
8.30 KATUK MORUN – (Jon Eskisabel) pop musikia – Info7 Irratia (Urruña)
9.30 AXA MIXA – umien saiua – Tas Tas Irratia (Bilbao)
11.00 GURE BAZTERRAK – Euskalherriak ezagutzen – Gure Irratia (Baiona)
12.00 ZAHARRAK BERRI – historia saioa – Hala Bedi Irratia (Vitoria-Gasteiz)
14.00 KOLAX (errep.)
15.00 SOUND SYSTEM (errep.)
16.00 BURDINOLA – heavy metala – Info7 Irratia (Urruña)
19.00 BAILARA EZKUTUA – musika gogorra – Info7 Irratia (Urruña)
21.30 IZARRAK ETA ILARGIA – antzinako musikea – Tas Tas Irratia (Bilbao)
22.30 10 MUNDU (errep.)

DOMEKIA
9.00 BERTXOKO – versolaris con grazia y zalero – Hala Bedi Irratia (Vitoria-Gasteiz)
10.00 GURE BAZTERRAK (errep.)
11.00 IL TRENO CINQUE – monografikoak – Eguzki Irratia (Iruñea)
13.00 MUNDO COCEK (errep.)
14.30 HAUNDIKEITTAN – bergara styled umoria – Txapa Irratixa (Bergara)
15.30 LIKOR KAFE – galegozko saiua – Zintzilik Irratiya (Orereta)
18.00 KALEKO MOBIDA – oi eta streetpunk – Info7 Irratia (Urruña)
20.00 MAR DE FUEGUITOS (errep.)
21.00 EUSKALERRIAREN YAKINTZA – Azkuen upin bildumia – Arrakala Irratija (Lekeitio)
21.30 GORA EUSKAL HERRIA – uruguayeko euskaldunak – CX36 Irratia (Montevideo)
22.00 BERBENIR (errep.)