Arrosa, Euskal Herriko Irrati-sarea » Elkarrizketak

Egunkariaren itxieraren inguruan Txema Auzmendiri elkarrizketa

Hala Bedi Irratia — Wed, 20 Feb 2008 07:56:30 +0000

Bost urte pasa dira Egunkaria itxi zutenetik eta itxiera eta ondorengo bost urteetan prozesuak izan duen bilakaeraz Txema Auzmendi auziperaturekin hitz egin dugu. Txema Auzmendi Egunkaria SA-ko administrazio kontseiluko idazkaria zen eta gaur egun bere aurka 14 urteko espetxe zigor eskaera dago.

Gaur egun AVT eta Dignidad y Justicia elkarteek, herri akusazio gisa agertute, Guardia Zibilaren txostenetako argudio guztiak bere egin, eta espetxe zigor gogorrak eskatu dituzte Egunkaria auziko hamabi auzipetuentzat: guztira 300 urtetik gorako kartzela zigorrak eta 234.000.000 € inguruko isunak.

ENTZUN:

Militarrak eta lurren negozioa

Hala Bedi Irratia — Mon, 14 Jan 2008 09:00:52 +0000

Hala Bedi irratiko Zaharrak Berri irratsaioan talde antimilitaristako kideak elkarrizketatu zituzten. Izan ere, duela egun gutxi batzuk Gasteizkoak talde antimilitaristak liburu bat aurkeztu zuen militarrek lurrekin dituzten negozioei buruz.

Araka y Desamparadas, historia de un expolio liburuan besteak beste azaltzen da nola Estatuaren jabetzakoak diren lur gehienak militarren esku dauden eta ondare higiezin oso garrantzitsua duten. Liburuan Gasteizko kasua kontatzen du, nola militarrek herritarren ondarea dena lapurtzen duten.
ENTZUN:

Arrazakeriaren jatorri ideologikoari buruz

Hala Bedi Irratia — Sun, 28 Oct 2007 22:31:10 +0000

Hala Bedi irratiko Zaharrak Berri irratsaioan mundu mailako egungo gatazken jatorri historikoa bilatzen duen Oier Imazek arrazakeria izan zuen hizpide azken irratsaioan. Azken urte hauetan Suitza, Suedia, Frantzia eta beste Europako hainbat estatutan eskuin muturreko alderdiek indarra hartzen ari dira. Alderdi hauek gero eta modu agerikoan pentsakera arrazista bultzatzen dute.

Oierren arabera historikoki teoria arrazistek arrazakeria kutsu zientifikoarekin mozorrotu izan dute. Teoria hauen arabera arraza zuria besteak baino garatuagoa izango litzateke, eta mailarik baxuenean arraza beltza legoke. Bereizketa hau europar zuriek beste arrazatakoak esplotatu edo esklabu gisa edukitzeko erabili izan da. Beste modu baten esanda, mundu osoaren esplotazio eta kolonizazioa ideologikoki justifikatzeko balio izan du arrazakeriak.

II. mundu gerraren ondoren arrazakeriaren teoriak guztiz baztertu eta ahazturik ziruditenean, azken urte hauetan arrazakeria estalia indartzen ari dela dirudi. Emigrazioaren fenomenoarekin joera diskriminatzaileak asko ugaritu dira Europa zahar eta ustel honetan.

Historian zehar teoria arrazistek izan duten bilakaeraz jakiteko hemen duzue audioa:

ENTZUN:

Malmasin eta Bilboko 1199ko heroi nafarrei omenaldiaren inguruko elkarrizketa

Tastas Irratia — Fri, 19 Oct 2007 08:57:12 +0000

Nafarroako Bizkaitarrak kolektiboak “Malmasin eta Bilboko 1199ko heroi nafarrei omenaldia” izeneko jardunaldiak antolatu ditu. Kolektibo honen baitan, besteak beste, Freddy Paya edo Gabirel Ezkurdia daude.

Ekimen honetan, besteak beste, Bizkaia Nafarroa Osoko Herrialdea dela aldarrikatuko da. Hain zuzen ere, antolatzaileen ustez, ehundaka urtez Euskal Herriko historia, okupatzaileek idatzi eta kontatu dute eta. Benetan Euskal Herria bere historiaren jabe izango balitz, egun ospatzen diren jai eta omenaldi askok beste irakurketa bat izan beharko zuten, Nafarroako Bizkaitarrak kolektiboaren arabera.

Guzti honen inguruan hitz egiteko, Tas-Tas Irrati Libreko Kaleko Bentanie magazinean antolatzaile batekin egin genuen berba, Gabirel Ezkurdiarekin hain zuzen ere.

Gazte Taupadak lehen irratsaioa egin du

Hala Bedi Irratia — Tue, 09 Oct 2007 11:27:34 +0000

Hala Bedi irratiko Gazte Taupadak irratsaioak kurtsoko lehen irratsaioa egin du. Irratsaioak gazte ikuspuntutik egiten du lan eta gazte problematikak jorratzen dituzte. Jendarteaz eta politikaz gain beti dago literatura, musika eta kulturaz orokorrean hitz egiteko aukera. Irratsaioa astelehenetan gabeko 9etatik 10etara emititzen da Hala Bedi uhin askeetan.

Aste honetan Batasuneko mahai nazionalaren atxiloketen inguruan hitz egiteko aukera izan zuten Gasteizko Batasuneko kide batekin. Elkarrizketa entzungai duzue.

ENTZUN:

Munduko Barrikadak atala Kaleko Bentanien

Tastas Irratia — Tue, 19 Jun 2007 12:46:38 +0000

Kaleko Bentanieko pasa den asteko saioan, Askapena elkarteak egindako Munduko Barrikadak izeneko atalean bi ekitaldi nagusi izan genituen. Alde batetik, hilaren 23an ospatuko den Internazionalista Eguna, eta horretarako Askapenako kidea den Unairekin egin genuen berba. Horretaz gain, Mexikoko Oaxakan gobernadorearen aurkako altxamendua izan zenetik lehenengo urteurrena pasa den astean betetzen zen, eta hau aprobetxatuz, Radio Planton Oaxakako irratiko kide batekin egin genuen berba zuzenean, gertakizun hau dela eta burututako 18 orduko emisio berezia beraiek kontatzeko.

Contra los territorios del poder liburuaren aurkezpena

Tastas Irratia — Thu, 07 Jun 2007 22:58:42 +0000

Tas-Tas Irratian ostegunero arratsaldeko seiretatik zortziak arte emititzen den Kaleko Bentanie saioan, aste honetan gure kidea den Marta Luxan-ek Jean Pier Garnier idatzitako Contra los territorios del poder izeneko liburua aurkeztu digu 20 minutuko kolaborazio honetan. Virus argitaletxeak argitaratu du liburu hau, eta ideia orokorra da globalizazio garai honetan gai sozialak konpontzen saiatu beharrean gai sozialen kudeaketa arautzen saiatzen dela.

Resquicios aldizkariaren 3. alearen aurkezpena

Tastas Irratia — Thu, 07 Jun 2007 22:52:13 +0000

Tas-Tas Irratian ostegunero arratsaldeko seiretatik zortziak arte emititzen den Kaleko Bentanie saioan, aste honetan, Resquicios aldizkariaren egile nagusia den Javi Rodriguezekin egin dugu berba. Berak aldizkaria oro har aurkeztu digu eta, zehazki, atera berri duen ale berriaz (hirugarrena hain zuzen ere) hitz egin digu. Resquicios giza kritikarako aldizkaritzat jotzen du bere burua. Ale honetan gai nagusia mugikortasuna izan da.

Bilbon 2004/2005 urteotan egindako sarekada salatzeko saioa

Tastas Irratia — Thu, 24 May 2007 22:35:53 +0000

2004-2005 urteotan Poliziak sarekada bat burutu zuen Bilbon eta, hori dela eta, Poliziak 19 pertsona atxilotu zituen. Horietariko 14 torturatuak izan zirela salatu zituzten. Kaleko Bentanien gaur hiru pertsona izan ditugu, horren inguruan berba egiteko: Julen Amnistiaren Aldeko Mugimenduko kidea, Maku atxilotuetariko bat, eta Izaskun Torturaren Aurkako Taldeko kidea. Horretaz gain, Rosa, Amaia Urizar atxilotu eta torturatutako beste neska baten amarekin egin dugu berba. Rosak bere alabaren detentzioa eta bizi izandakoa kontatu digu.

El tsunami urbanizador español y mundial

Tastas Irratia — Mon, 21 May 2007 23:41:31 +0000

Kaleko Bentanien duela aste pare bat, gure kidea Marta Luxan-ek egindako literaturari buruzko atalean, Ramón Fernández Duran-ek idatzitako El tsunami urbanizador español y mundial liburuaz egin genuen berba. Liburuan etxebizitzaren arazoaz hitz egiten du autoreak, era orokor batean, baita hirien egituraketaz eta eraikuntzarekin zerikusi handia duten hainbat gaiaz. Martak liburuaren ardatz nagusiak azaltzen dizkigu, eta baita gai berberari buruzko beste liburu bat gomendatu zigun, El cielo está enladrillado, hainbat autore ezberdinek idatzitako liburu laburra