Arrosa, Euskal Herriko Irrati-sarea » Audio Artxiboak

U10 Oreretan Prentsaurrekoa

Zintzilik Irratia — Wed, 07 Oct 2009 20:33:53 +0000

Entzun prentsaurrekoa

Jaitsi prentsaurrekoa: mp3 / ogg

Prentsaurrekoan irakurritako testua:

Gaurkoan hemen bildu garenok, Zintzilik Irratia eta EMTEko kideok, badugu zer ospatu. Izan ere, Zintzilik Irratiak 25 urte beteko ditu aurtengo denboraldian, eta EMTE-k 18 urte… Beraz, URTE ASKUAN!!!

Zintzilik Irratiaren lehenengo emisioa 1984ko abenduan izan zen. Garai haietan irrati libreak zabaltzen hasi ziren Euskal Herrian, komunikabide ofizial nagusiek ixiltzen zutena zabaltzeko asmoarekin. Zentzu horretan, Zintzilik Irratia Oreretako kolektibo, elkarte, talde eta pertsona guztien ideak, iritziak, kritikak eta zuzenean eragiten dienaren inguruko proposamenak egiteko duten eskubidea eta beharraren aurrean sortzen da.

Tamalez, “komunikazioaren” (gezurren komunikazioaren) zentralizazioa eta monopolioa dutenak berdinak jarraitzen dute izaten, eta gaur egun pentsatze hutsa bera ere delitua bihurtu denean, trabak handitu besterik ez dituzte egin. Adierazpen askatasuna behin ete berriz ukatzen digute.

Halere, Zintzilik Irratiak bizirik darrai FM 100eko bandan, fresko eta gogoz kontrainformazioaren bozgorailua izaten jarraitzeko, sektore herrikoien, baztertuen, zapalduen eta erasotuen ahotsak zabaltzeko, barregiteko, maitatzeko, amesteko edo kontrolatzen gaituztenak iraintzeko, nahi izanez gero.

Balore kapitalistak muturreraino iritsi diren garai hauetan 25 urte autogestioan, parte hartzean eta asanbladan funtzionatzeak erakusten du bizitza antolatzeko bestelako modu batzuk posible direla, egi gehiago existitzen direla, eta batez ere, horretan sinistu eta jarraitzeko nahiak, gogoak eta jende asko badagoela.

Guzti hau ospatzeko, hurrengo larunbatean, urriak 10, jai herritar bat antolatu dugu. Irratiarekin modu ezberdinetan kolaboratu eta kolaboratzen duzuen guztiak zaudete gonbidatuta, zuek gabe, proiektu hau ez litzatekeelako egia izango, mila esker!

Egitaraua eta berri gehiago Zintzilik irratiaren 25. urtemugaren inguruan,

http://www.zintzilik.net/?cat=29

IkimilikiliKlik 25 urte Zintzilik

Zintzilik Irratia — Mon, 05 Oct 2009 21:55:33 +0000

Urriaren 10a aukeratu dugu Zintzilik Irrati eta Errenteriko Musika Taldeen Elkarteak (EMTE) gure urtemugak ospatzeko.

Zintzilik irrati libreak 25 urte beteko ditu aurtengo denboraldian, eta EMTEk 18 urte… eta hau ongi ospatu behar da!

Ehundaka herritar pasa dira Zintzilik eta EMTEtik urte hauetan, eta larunbateko jaia hasierako, betiko eta oraingo lagun guztiekin ospatu nahi dugu. Horrexegatik, urriaren 10erako jai herritar bat antolatu dugu, hona hemen egitaraua:

- Goizeko 10:30etan, irrati saio berezia Oreretako Zumarditik zuzen-zuzenean. Bertan Zintzilik irratia sortu zuten lagun, herriko elkarte eta kolektibo pila eta irratiko kolaboratzaile eta lagunak izango ditugu.

- Goizean zehar, Oreretako erdialdean kale animazioa: Zumardi, Herriko plaza, Alondiga, Xenpelar eta Biteri txiki kaleetako “tontodromoan” performantzeak, antzerkia, kale musikariak, bertsolariak, trikitilariak, serigrafia, azoka eta beste hamaika ekitaldi izango ditugu.

- Eguerdiko 14:00etan bazkari herrikoia Txintxarri elkartean. Sarrerak salgai Oñatiarra, Arkaitza eta Sindikato tabernetan (12 € langabetu eta ikasleek, eta 15 gainontzekoek)

- Bazkalostean Matxura Buruan show, Imanol Karballo kantautorea eta sorpresak.

- Arratsaldeko 18:30etan kontzertu erraldoia zumardiko karpan: 2 Daion, Soon Treess, T.Dinox, Toil, Frida Pipol, Boogie Van, Trigger Travis, Kontrako Eztarritik, Korumba (hauek denak EMTEko taldeak) eta Leize talde gonbidatuarekin. Kontzertua doan, noski! (eta zuzenean FM 100 eta www.zintzilik.net-etik)

Entzun abestia:

Jaitsi Zintzilik irratiaren abestia: ogg / mp3

Entzun kuña:

Jaitsi U-10 kuña: ogg / mp3

Zintzilik irratiaren urtemuga dela eta urtean zehar ospakizun eta ektaldi gehiago egiteko asmoa badugu. Horiei buruzko informazio guztia helbide honetan biltzen joango gara:

http://www.zintzilik.net/?cat=29

Barrez

Arrakala Irratija — Tue, 14 Apr 2009 18:47:05 +0000

Florence Foster Jenkins oin dala 100 urteko friki mediatikua; tono bardiñian etorri da musikia be: “El chorro de voz” (Aceves Mejia), “El tio calambres” (Luis Aguilé), “The woody woodpecker song” (Andrew sisters & Danny Kaye) eta, bertsiño jokuan “Baby elephant walk” (Henry Mancini / Dave Grusin). Bergarako euskalkixa entzun dogu amaitzeko, Juan Lonbidek soluen bedinkaziñuen gaiñian emondako azalpenekin.

Click To Play

Aittitta Raduga. Interneten edonoiz entzungai: http://bitakora.arrosasarea.org
Eta uhiñetan:
* Lekeitioko Arrakala Irratija 107.7 FM – Ewastena 8.00 eta Barijakua 15.00
* Eibarko Matrallako Irratixa 102.8 FM – Eguastena 21.00 eta Zapatua 19.00
* Bittorixako Hala Bedi Irratia (Lautada 107,4, Trebiño 107,7, Aiara 96,5, sakana 90,6 FM) – Astelehena 19.00
* Plamponako Eguzki Irratia (107,7 FM) – Martitzena 13.00 eta astelehena 01.30)
* Bilboko Tas-Tas Irratia (97,0 FM) – Eguastena 19.00
* Oreretako “La Sinchili” (100,0 FM) – Martitzena 18.00
* Urruñako Info7 (podcast) – Astelehena 21.00

AHTren obrak hasi dituzte Goierrin

Gazte Sarea — Tue, 20 May 2008 18:12:26 +0000

Aste honetako Irauli Uhinak irratsaioan Goierriko AHT Gelditu! Elkarlana-ko Jonerekin hitz egin dugu. Izan ere, pasa den astean hasi zituzten Ordizia eta Beasain artean trentzarra egiteko lanak. Datorren iganderako (maiatzak 25) martxa deitu dute obretara, Ordiziatik abiatuko da martxa 12:00tan. Entzun elkarrizketa Irauli Uhinak irratsaioan, zure herriko irrati librean edo Irauli Uhinak-en orrian.

Igor Portu lesakarraren tortura testigantzaren grabazioa

Info7 — Fri, 22 Feb 2008 12:03:10 +0000

Infozazpi irratiak Igor Portu lesakarrak, Donostiako ospitalean ingresaturik zegoela, haren tortura salaketa ikertzen ari den epaileari egindako aitortza eskuratu du. Bertan, atxiloketa nolakoa izan zen eta ospitaleratu arte zer gertatu zen kontatzen du xehetasunez. Gaur, gazte lesakarraren atxiloketan parte hartu zuten 8 guardia zibil ari dira inputatu gisa deklaratzen Donostiako epaile beraren aitzinean.

Porturen lekukotza

Egunkariaren itxieraren inguruan Txema Auzmendiri elkarrizketa

Hala Bedi Irratia — Wed, 20 Feb 2008 07:56:30 +0000

Bost urte pasa dira Egunkaria itxi zutenetik eta itxiera eta ondorengo bost urteetan prozesuak izan duen bilakaeraz Txema Auzmendi auziperaturekin hitz egin dugu. Txema Auzmendi Egunkaria SA-ko administrazio kontseiluko idazkaria zen eta gaur egun bere aurka 14 urteko espetxe zigor eskaera dago.

Gaur egun AVT eta Dignidad y Justicia elkarteek, herri akusazio gisa agertute, Guardia Zibilaren txostenetako argudio guztiak bere egin, eta espetxe zigor gogorrak eskatu dituzte Egunkaria auziko hamabi auzipetuentzat: guztira 300 urtetik gorako kartzela zigorrak eta 234.000.000 € inguruko isunak.

ENTZUN:

Donostiako Revolutionary Brothers bikotea ezagutzeko parada ezin hobea

Info7 — Fri, 18 Jan 2008 09:27:10 +0000

Aritz Usandizagak Infozazpiko Sound System musika saioan Revolutionary Brothers Sound System taldeko Unai eta Iker anaiak elkarrizketatu ditu. Rev. Brothers Donostiako sound systema da eta Euskal Herrian jamaikar musika zabaltzeko helburua dute. Reggae musikaren zaletu amorratuak dira eta festak antolatzen dituzte nonahi. Saioan Euskal Herrian reggae musikaren egoeraz, antolatzen dituzten jaiez eta orohar, jamaikar musikaz aritu dira solasean.

Entzun ezazu!

Mikel Ayerbek Miren Agur Meabe “ekarri” zuen Zaharrak Berri irratsaiora

Hala Bedi Irratia — Thu, 17 Jan 2008 07:00:24 +0000

Mikel Ayerbe hilabetean behin etortzen zaigu Zaharrak Berri irratsaiora. Bere “Litatur Zuloan” literaturi buruz jarduten du eta oraingoan Miren Agur Meabe idazlea izan du aipagai. Idazlearen Urtebete itsasargian eta Azalaren kodea liburuak izan zituen ardatz aurreko hilabeteko irratsaioan.

Urtebete itsasargian gazteei zuzenduriko nobela da. Istorioa 1936ko gerra zibilean dago kokaturik eta gazte baten bizipenak kontatzen dira. Azalarean kodea poesia liburua da eta Mikelek hainbat irakurri zizkigun.

ENTZUN:

Militarrak eta lurren negozioa

Hala Bedi Irratia — Mon, 14 Jan 2008 09:00:52 +0000

Hala Bedi irratiko Zaharrak Berri irratsaioan talde antimilitaristako kideak elkarrizketatu zituzten. Izan ere, duela egun gutxi batzuk Gasteizkoak talde antimilitaristak liburu bat aurkeztu zuen militarrek lurrekin dituzten negozioei buruz.

Araka y Desamparadas, historia de un expolio liburuan besteak beste azaltzen da nola Estatuaren jabetzakoak diren lur gehienak militarren esku dauden eta ondare higiezin oso garrantzitsua duten. Liburuan Gasteizko kasua kontatzen du, nola militarrek herritarren ondarea dena lapurtzen duten.
ENTZUN:

Etxebizitza eskubidearen aldeko mugimendua hizpide 2008ko lehen Irauli Uhinaken

Gazte Sarea — Thu, 10 Jan 2008 11:06:17 +0000

Urtea hasteko etxebizitza eskubidearen alde ostiralerako eta larunbaterako deitu diren mobilizazioak izan ditugu hizpide. Urtarrilaren 11 eta 12 honetarako hainbat mobilizazio deitu dituzte gaztetxe eta gazte asanbladek eta etxebizitza eskubidearen alde lanean diharduten eragileek. Mobilizazio nagusiak: ostiralean BILBOn 19:30ean Guggenheimetik, ZARAUTZen 20:00etan Udaletxe plazan eta Iruñean 19:00etan Ezkaba plazan; larunbatean 13:00etan Gasteizen Artiumetik.

- Elkarrizketa entzun: [mp3 | ogg]

Ikasturtearen hasieran Etxegorriko Oier izan da Irauli Uhinak irratsaioan. Berarekin etxebizitzaren problematika aztertu dugu; zertan den egoera, zer alternatiba dauden, zergatik ez diren bideratzen… [www.etxebizitzaeskubidea.net]

Gainera, Hatortxu Rocken izango den eskaintzaz ere hitz egin dugu. Asteburuan errepresaliatuen aldeko oihu bilakatuko da Berriobeitiko zabalgunea.