Arrosa, Euskal Herriko Irrati-sarea » Igotako programak

Donostiako Revolutionary Brothers bikotea ezagutzeko parada ezin hobea

Info7 — Fri, 18 Jan 2008 09:27:10 +0000

Aritz Usandizagak Infozazpiko Sound System musika saioan Revolutionary Brothers Sound System taldeko Unai eta Iker anaiak elkarrizketatu ditu. Rev. Brothers Donostiako sound systema da eta Euskal Herrian jamaikar musika zabaltzeko helburua dute. Reggae musikaren zaletu amorratuak dira eta festak antolatzen dituzte nonahi. Saioan Euskal Herrian reggae musikaren egoeraz, antolatzen dituzten jaiez eta orohar, jamaikar musikaz aritu dira solasean.

Entzun ezazu!

Gaur, Katuk Morun saioan…

Info7 — Wed, 05 Dec 2007 08:33:58 +0000

Sintonia estreinatuko du gaur Infozazpi irratiko Katuk Morun musika saioak. Adi, norena den asmatzen dutenen artean disko bat zozketatuko baitugu datozen asteetan. Hurrengo saioan izango duzue datu gehiago. Gaurko saioan, besteak beste, Bill Callahan, Surfin Kaos, RED, Bettye LaVette, Joseba Irazoki, Nick Cave & Bad Seeds, The Felice Brothers, Edwyn Collins, Black Lips eta Devendra Banhart entzungo ditugu.

Infozazpi irratia

“Lamaiko Operia”, Matrallako eta Arrakalan ekoizpen barrixa

Arrakala Irratija — Sat, 09 Jun 2007 19:13:16 +0000

Eibarko Matrallako eta Lekeitioko Arrakalak “Lamaiko operan” oiñarrittutako atalkako ekoizpen barrixa aurkeztu dabe (opera hau Die Dreigroschen Oper / The Threepenny Opera / L’Opera de Quat’sous / La Ópera de Tres Peniques modura be ezagutu izan da). 8 kapitulotako serie honetan Mack Labañia / Mack the Knife famatuan historixia kontatzen da modu didaktiko baten (Mackie Messer / Mack the Knife / Mackie-Le-Surineur / Maki Navaja). Bertolt Brechtek idatzittako eta Kurt Weillek musikatutako opera hau, antxiñakua izanagatik, aktualidaderik galdu ez dabela ikusiko dau entzuliak.

Opera honen lehelengo kantuaren hainbeste bertsiño egin izan dira XX mendian zihar. Jazzpanen klariñetietan naiz rockzalien gittarra elektrikuetan entzun izan doguz bertso famatuak:

“Tiburoiak hagiñak daukaz;

eta arpegixan daroiazen moduan

hala dauka Mackie Messerrek labañia

poltsikuan ezkutauta.

Tiburoian oixak gorrixak dira

odola isurtzen daben bakotxian;

Mack-labañan eskunarruak, ostera,

krimenen ostian beti garbi…”

XX mende hasierako London glamourdun eta konfliktiboko kalietan bizi edo bizirauten dau Mack Labañak, eskeko, puta, gaizkille eta poliziako ustelen artian. 1918tik 1928ra Inglaterrak bizi izandako krisis giruan lanikeza, inflaziñua, eszeptizismua eta garraztasun romantikua usaintzen zan Sohoko kale zikiñetan.

Eibarko Matrallako eta Lekeitioko Arrakala irratixen artian, “Lamaiko Operako” 26 ekittaldixak 8 partetan prestau doguz, irratixan atalka emititzeko moduan. Atal bakotxak 20 minutu baiño pizkat gitxiago dakaz. Ekittaldi bakotxak hizlauzko azalpen bat daka hasieran, gero pertsonaien elkarrizketak euskeraz, eta azkenian operako kantu orijinala alemanez -1958xan Berlinen Wilhelm Brückner-Rüggeberg-ek zuzendutako grabaziñua erabilli dogu-. Bestalde, hainbeste artistak “Mack Labañan Baladian” gaiñian egindako bertsiñuak erabilli doguz loturak egitteko (Louis Armstrong, Tijuana in Blue, Ruben Blades, Oskorri, Liberace, Joe Pass…). Lehelengo atalan hasieran, prologo luzetxuagua dago “Lamaiko Operian” gorabeherak eta detalle historikuak azaltzen.

Hamen dozue lehelengo atala, aperitibo modura (ez dakigu ze kristongaittik, bitakoran infrareboluzionatua entzutzen da)

Laster zure herriko irratixan!

Azkue

Arrakala Irratija — Wed, 11 Oct 2006 17:25:17 +0000

Lekeitioko Arrakala irratixan ekoizpen�honetan, herriko jakitun Resurrecion Maria Azkuek XIX-XX mendetan bildutako ipoin zaharrak aurkittuko dozuez.�Euskalki desbardi�etako ipoi�ak dira, nahikoa produktu txukuna: eta horren erakusgarri dogu Arrosa sareko irati askotan emititzen dirala. Lekeition, 107.7 FM-an entzungai dagoz EWENETAN, GOIZEKO 8.30etan.

Adibide moduan, hamen dozue ale bat.

aezkoa-egia-ta-fedea.mp3