Arrosa, Euskal Herriko Irrati-sarea » BERRIAK

Mar de Fueguitos eta Tas-Tas Irratiko urteurrenetako kontzertu-jaia

Tastas Irratia — Tue, 25 May 2010 13:20:52 +0000

Mar de Fueguitos irratsaioak 10 urte betetzen ditu. Ospatzeko Bilbon, Kafe
Antzokian, ekainaren 19an gaueko bederatzi t’erdietan, kontzertu-jaia
antolatu du. Zenbait sorpresa egoteaz gain, jaian Iruñeako Gualitxo eta
Zaragozako Mallacan taldeek joko dute. Sarrerak 10 euro balio du eta
bilduko den dirua Tas-Tas Irratirako izango da. Gainera, aurten Tas-Tas
Irratiak 18 urte bete ditu; bi ospakizun ekitaldi batean beraz. Sarrerak
salgai egongo dira Kafe Antzokian, Tas-Tas Irratian eta Kafe Antzokiko web orrian.

Mar de Fueguitos irratsaioko 10. urteurreneko kontzertu-jaia
Ekainak 19 zapatua, 21:30etan, Kafe Antzokia, Bilbo
Gualitxo (Iruñea) eta Mallacán (Zaragoza)
Sarrera: 10 euro.

TXAPA IRRATIKO KONTZERTUAK :MAIATZAK 15 SEÑOR NO ETA CANCERBEROS

Txapa Irratia — Fri, 23 Apr 2010 16:20:36 +0000

Txapa irratiak urtean zehar antolatzen dituen kontzertuen barnean,datorren Maiatzak 15ean SEÑOR NO eta CANCERBEROS taldeak izango ditugu Bergarako gaztetxian gaueko 22:30 etatik aurrera.

SEÑOR NO taldeko donostiarrek osatzen duten taldea estimatuenetakoa da estatuko rock eremuan dabiltzanen artean. La Perrera taldea desegin ondoren sortu zen laukotea. Orain, punk rock soinu entzungarriak lantzen dituzte, eta zuzeneko emanaldi basati eta harrigarriak eskaintzen.

Urte guzti hauetan taldeak hainbat formazio aldaketa izan ondoren,gaur egun,Mikel (gitarra),Xabi (gitarra eta ahotsa),Unai (baxua) eta Artzak (bateria) osatzen dute taldea.

CANCERBEROS taldea Bartzelonatik dator,2002 .urtean sortu zen eta punk & rock musika dute gogoko.Dictators,MC5 eta Ramones bezalako taldeak dute gustoko.

Julian (ahotsa),Fosy (gitarra),Edu (bateria) eta Santoni (baxua) osatzen dute taldea.

Beraz,kontzertu basatia izango dou Maiatzalk 15ean Bergarako gaztetxian Txapa irratiaren eskutik.

Kontzertua zuzenean entzuteko aukera Txapa irratian FM-ko 97.25ean eta internet bidez http://www.txapairratia.org/ webgunean.

GAZTETXEKO ZINEKLUBA:ABENDUAN IRRATIARI BURUZKO PELIKULAK

Txapa Irratia — Thu, 03 Dec 2009 17:24:24 +0000

Txapa irratiaren 25.urteurrenaren baitan,gaztetxeko zineklubak, Abenduan irratiari buruzko 4 pelikula eskeiniko ditu , Igandetan arratsaldeko 18:30etan Bergarako gaztetxian.

Informazio gehiagorako:http://zinekluba.wordpress.com/

TXAPA IRRATIKO KONTZERTUAK: ABENDUAK 19 BASQUE COUNTRY PHARAONS ETA SUPER BIG MAMMA

Txapa Irratia — Wed, 25 Nov 2009 17:18:37 +0000

Txapa irratiak urtean zehar antolatzen dituen kontzertuen barnean,eta aurten 25.urteurrena ospatzen ari garela eta,datorren Abenduak 19 Larunbata gaueko 23:00etatik aurrera , Basque country pharaons eta Super big mamma taldeen kontzertua izango dugu Bergarako gaztetxian.

Basque Country PharaonsIruñeko laukotea da. Punka, rock & rolla, heavya eta soula nahasten dituzte beren zuzeneko dibertigarri eta eroetan. Pogues, Creedence, Dictators, Grand F. Railroad edota Wilson Picket bertsioneatzen dituzte taula gainean.Denbora luzez ixilik egon ostean hemen datoz berriz ere bueltan kontzertu gutxi batzuk emateko asmoz.

Beraiekin batera, Iruñeako Super big mamma talde berria izango dugu taula gainean.

kontzertua zuzenean entzuteko aukera Txapa irratian FM-ko 97.25ean eta internet bidez http://www.txapairratia.org/ webgunean.

Oharra:Basque country pharaons taldearen Textuak Entzun.com webgunetik hartuta.

TXAPA IRRATIAK 25 URTE

Txapa Irratia — Thu, 12 Nov 2009 15:40:49 +0000

Txapa Irratia 25 urte uhinetan!

Gaur egun, komunikabideak inoiz baino garatuago daudenean, telebistan inoiz baino kate gehiago ditugunean, pertsonen arteko komunikazioan gero eta gailu gehiago ditugunean, internet bidez informazioa gero eta gertuago dugunean; oraindik, Txapa Irratiak zentzua duela uste dugu, oraindik komunikabide ez komertzial, libre eta herriko baten sinesten dugu!

Orain dela 25 urte irratia sortu zutenek, beste garai bat bizi izan zuten. 80. hamarkadan, beraien garraxiak, musika,umorea, ironia eta ideiak transmititzeko beharra sentitu, irratia sortu eta hasi ziren txapa ematen. Guk gaur egun testuinguru guztiz ezberdinean beste behar batzuk dauzkagu agian, beste bide batzuk, garaiekin batera pirata izatearen zentzua aldatu da, eta teknikoki ere errazagoa izan daiteke, baina garrasi egiteko beharrak, gurea den komunikabidea izateko beharrak guregan dirau.

25 urte hauetan irratia oso modu ezberdinetan bizi izan duten pertsonak igaro dira asanblada eta estudioko mikroetatik;, denborapasa moduan, beraien musikarekin dantzarazteko gogoak erakarrita, ideia ezberdinak botatzeko gogoarekin edo zer egin ez jakin eta “irratsaio bat egingo dugu?”. Denetarik egon da eta aniztasun horrekin batera joan da irratia bere ibilbide gorabeheratsua egiten. Gaur 2009.urtean 25 urte betetzen ditu Txapak, 25 urte uhinak okupatzen, 25 urte pirata, 25 urte te jodes 40 principales!

Irratiaren urteurren hau ospatzeko ekintza ezberdinak antolatu ditugu, baina azaroaren 21ean bazkari berezi bat egiteko asmoa daukagu, urte hauetan bai hasieran bai azken urteetan ere irratian parte hartu duten ahotsak edo irratia entzuten zuten belarriak mahai baten inguruan bildu nahi genituzke. Anima zaitezte eta etorri Irratiko mahaira.

25.Urteurreneko egitaraua:

Irratsaio bereziak:Txapa irratian fmko 97.25ean

Azaroak 16 Astelehena :

21.30etan:2009-2010 programazioaren aurkezpena

23:00etan:txapa kontzertu zaharrak:Sexty sexers

Azaroak 17 Asteartea:

21.30etan:Txapa irratiaren historia

23:00etan:txapa kontzertu zaharrak:Hard-ons

Azaroak 18 Asteazkena:
21.30etan:Arrasateko itxungi irratiko eta Urretxu Zumarragako kkinzona irratiko kideekin solasaldia.
23:00etan:txapa kontzertu zaharrak:Willis drumond

Azaroak 19 Osteguna:
21.30etan:Mahai ingurua:komunikabideak gaur egun
23:00etan:txapa kontzertu zaharrak:Anestesia

Azaroak 20 Ostirala:
23:00etan:txapa kontzertu zaharrak:Royal canal

Azaroak 21 Larunbata:Urteurren Jaia Gaztetxian
12:30etan.Txapapoteoa txarangiakin
14.30etan :2009-2010 programazio aurkezpena
14:45etan.Babajana eta jarana (txartelak Arrano,Etxagi eta Pol-pol tabernetan 5 eurotan)
23:00etan:txapa kontzertu zaharrak:ama say

Azaroak 22 Igandea:
23:00etan:txapa kontzertu zaharrak:Txaparrada musikala.

Azaroak 16tik 22ra arratsaldeko 16:00etan Irratsaio zaharrak entzungai.

kuña txapa irratiak 25 urte egitaraua

TXAPA IRRATIKO KONTZERTUAK:Stockholm´s + Nabil Monsour +A rebote

Txapa Irratia — Mon, 26 Oct 2009 10:32:15 +0000

Elkartasun bira kontzertua

Urriak 30, ostirala Txapa jaia Bergarako gaztetxian:
Askapena eta Txapa irratiak elkartasun biraren baitan ostiral honetan kontzerua antolatu dugu. Bertan Stockholm´s talde akustikoa, Nabil Monsour bakarlari palestinarra eta A rebote rumba talde naparra arituko dira. Kontzertua gabeko 22:00etan hasiko da.

kontzertua zuzenean entzuteko aukera Txapa irratian FM-ko 97.25ean eta internet bidez http://www.txapairratia.org/ webgunean.

TXAPA IRRATIKO KONTZERTUAK:INOREN ERO NI ETA ERANTZUN

Txapa Irratia — Tue, 13 Oct 2009 16:31:49 +0000

Urriak 17 Larunbata gaueko 23:00etan Iñoren ero ni eta Erantzun taldeak gerturatuko zaizkigu Bergarako gaztetxera.

Iñoren ero ni Andoainen elkartzen garen 4 lagunez osaturiko taldea gara. Sortu esan dezakegu BAP! taldearen errautsetatik sortu ginela. Izan ere Drake, Okene eta Mikeli (hirurok BAP!en aritutakoak ginen) Borja (Purr) gehitu zitzaigunean hasi ginen inoren ero ni izaten Honela disko bat kaleratu genuen 2004ko urrian Metak diskoetxearekin, bira luzea egin genuen disko hau eskuartean genuela, Europako hainbat hiritan ere (Hamburgo, Paris, Zurich, Aachen, München, Toulouse). 2007an Drake nekatua zegoela esan zigun eta taldea utzi zuen. Aurretik Gronhölm diskoa izango dena (2008ko martxoan izango dugu prest) grabatu zuen eta baxu jotzaile berri baten bila hasi ginen Mariano Hurtado (El Hombre Burbuja, Lazy Lizard) andaluziarrarekin topo egin genuen arte. Egun bera dugu taldeko laugarrena.

Kaleratu berri duten Fosbury diska aurkeztera datoz.

Erantzun Abiadura, amorrua, zarata. HC oldarkorra eta azkarra egiten du Zarauzko laukote honek: fast-corea. Zaratazarautz kolektiboaren barnean daude Metralleta, Txixaparrazta eta Zulo taldeekin batera. Saltxi (ahotsa),Murray (baxua),Arri (bateria) eta Hodeik (gitarra) osatzen dute taldea

Aurrerapen gisara esan, Azaroak 21ean, Bizardunak taldea izango dugula bisitari Bergarako gaztetxian,antolatzen ari garen 25. urteurrenaren jaiaren barruan.

kontzertuak zuzenean entzuteko aukera Txapa irratian FM-ko 97.25ean eta internet bidez http://www.txapairratia.org/ webgunean.

Oharra:Erantzun taldearen Textuak Entzun.com webgunetik hartuta.

U10 Oreretan Prentsaurrekoa

Zintzilik Irratia — Wed, 07 Oct 2009 20:33:53 +0000

Entzun prentsaurrekoa

Jaitsi prentsaurrekoa: mp3 / ogg

Prentsaurrekoan irakurritako testua:

Gaurkoan hemen bildu garenok, Zintzilik Irratia eta EMTEko kideok, badugu zer ospatu. Izan ere, Zintzilik Irratiak 25 urte beteko ditu aurtengo denboraldian, eta EMTE-k 18 urte… Beraz, URTE ASKUAN!!!

Zintzilik Irratiaren lehenengo emisioa 1984ko abenduan izan zen. Garai haietan irrati libreak zabaltzen hasi ziren Euskal Herrian, komunikabide ofizial nagusiek ixiltzen zutena zabaltzeko asmoarekin. Zentzu horretan, Zintzilik Irratia Oreretako kolektibo, elkarte, talde eta pertsona guztien ideak, iritziak, kritikak eta zuzenean eragiten dienaren inguruko proposamenak egiteko duten eskubidea eta beharraren aurrean sortzen da.

Tamalez, “komunikazioaren” (gezurren komunikazioaren) zentralizazioa eta monopolioa dutenak berdinak jarraitzen dute izaten, eta gaur egun pentsatze hutsa bera ere delitua bihurtu denean, trabak handitu besterik ez dituzte egin. Adierazpen askatasuna behin ete berriz ukatzen digute.

Halere, Zintzilik Irratiak bizirik darrai FM 100eko bandan, fresko eta gogoz kontrainformazioaren bozgorailua izaten jarraitzeko, sektore herrikoien, baztertuen, zapalduen eta erasotuen ahotsak zabaltzeko, barregiteko, maitatzeko, amesteko edo kontrolatzen gaituztenak iraintzeko, nahi izanez gero.

Balore kapitalistak muturreraino iritsi diren garai hauetan 25 urte autogestioan, parte hartzean eta asanbladan funtzionatzeak erakusten du bizitza antolatzeko bestelako modu batzuk posible direla, egi gehiago existitzen direla, eta batez ere, horretan sinistu eta jarraitzeko nahiak, gogoak eta jende asko badagoela.

Guzti hau ospatzeko, hurrengo larunbatean, urriak 10, jai herritar bat antolatu dugu. Irratiarekin modu ezberdinetan kolaboratu eta kolaboratzen duzuen guztiak zaudete gonbidatuta, zuek gabe, proiektu hau ez litzatekeelako egia izango, mila esker!

Egitaraua eta berri gehiago Zintzilik irratiaren 25. urtemugaren inguruan,

http://www.zintzilik.net/?cat=29

IkimilikiliKlik 25 urte Zintzilik

Zintzilik Irratia — Mon, 05 Oct 2009 21:55:33 +0000

Urriaren 10a aukeratu dugu Zintzilik Irrati eta Errenteriko Musika Taldeen Elkarteak (EMTE) gure urtemugak ospatzeko.

Zintzilik irrati libreak 25 urte beteko ditu aurtengo denboraldian, eta EMTEk 18 urte… eta hau ongi ospatu behar da!

Ehundaka herritar pasa dira Zintzilik eta EMTEtik urte hauetan, eta larunbateko jaia hasierako, betiko eta oraingo lagun guztiekin ospatu nahi dugu. Horrexegatik, urriaren 10erako jai herritar bat antolatu dugu, hona hemen egitaraua:

- Goizeko 10:30etan, irrati saio berezia Oreretako Zumarditik zuzen-zuzenean. Bertan Zintzilik irratia sortu zuten lagun, herriko elkarte eta kolektibo pila eta irratiko kolaboratzaile eta lagunak izango ditugu.

- Goizean zehar, Oreretako erdialdean kale animazioa: Zumardi, Herriko plaza, Alondiga, Xenpelar eta Biteri txiki kaleetako “tontodromoan” performantzeak, antzerkia, kale musikariak, bertsolariak, trikitilariak, serigrafia, azoka eta beste hamaika ekitaldi izango ditugu.

- Eguerdiko 14:00etan bazkari herrikoia Txintxarri elkartean. Sarrerak salgai Oñatiarra, Arkaitza eta Sindikato tabernetan (12 € langabetu eta ikasleek, eta 15 gainontzekoek)

- Bazkalostean Matxura Buruan show, Imanol Karballo kantautorea eta sorpresak.

- Arratsaldeko 18:30etan kontzertu erraldoia zumardiko karpan: 2 Daion, Soon Treess, T.Dinox, Toil, Frida Pipol, Boogie Van, Trigger Travis, Kontrako Eztarritik, Korumba (hauek denak EMTEko taldeak) eta Leize talde gonbidatuarekin. Kontzertua doan, noski! (eta zuzenean FM 100 eta www.zintzilik.net-etik)

Entzun abestia:

Jaitsi Zintzilik irratiaren abestia: ogg / mp3

Entzun kuña:

Jaitsi U-10 kuña: ogg / mp3

Zintzilik irratiaren urtemuga dela eta urtean zehar ospakizun eta ektaldi gehiago egiteko asmoa badugu. Horiei buruzko informazio guztia helbide honetan biltzen joango gara:

http://www.zintzilik.net/?cat=29

TXAPA IRRATIKO KONTZERTUAK

Txapa Irratia — Tue, 29 Sep 2009 10:13:54 +0000

Txapa irratiak urtean zehar antolatzen dituen kontzertuen barnean,eta aurten 25.urteurrena ospatzen ari garela eta, 3 kontzertu antolatu ditugu.

Urriak 3 Larunbata gaueko 23:00etatik aurrera Capsula eta El desvan del macho taldeak izango ditugu bisitari Bergarako gaztetxian.

Capsula Rock alternatiboa eta elektronika batzen dituen taldea da. Argentinatik dator taldea, eta Bilbon lekututa dago aspalditik. Capsulak hainbat bira egin ditu Europan barrena: Londres, Berlin, Holanda, Frantzia, Belgika eta Irlanda. Hego Amerikan ere jo dute, hala nola Txilen eta Uruguayn.

Martín Ladrón de Guevara (gitarrak,ahotsa, programazioa, sanplerra ), Coni (baxua, ahotsa, sanplerrak,ikus-entzunezkoak)eta ignacio villarejo(bateria) osatzen dute taldea.
Auten kaleratu duten Rising mountain diskoa aurkeztera gerturatuko dira Bergarako gaztetxera.

El Desvan del macho Arrasateko talde “maldito” hau klasifikagaitza da. Taldearen alma mater J.G.Izkue 80ko hamarkadan kontrakorrontean Matrona Impudica, Jugos de Otros eta Cancer Moon taldeetan ibili zen buru-belarri. 90eko hamarkada hasieran, berriz, Stranglers-en gerizpean eta pop-rock ilun zein poesia maltzurrenak (L.M.Panero kasu) eraginda, El Desvän del Macho sortu zuen. Talde honek ez dauka parekorik, eta gai da pop-etik muturreko post-hardcorearen intentsitatera igarotzeko. Hitzek, berriz, poesia handia daukate, oso pertsonala.

Guadianaren pare, taldeak agertzen eta desagertzen dihardu; hortaz ez galdu berau ikusteko aukera badaezpada. Are gehiago, etapa honetan “Vida a partir del huevo” (Ale-hop records) izeneko hirugarren lana aurkezten dihardute. Euskal Herrian oso gutxik ezagutzen duten altxorra!

Urriak 17 Larunbata gaueko 23:00etan Iñoren ero ni eta Erantzun taldeak gerturatuko zaizkigu Bergarako gaztetxera.

Kaleratu berri duten Fosbury diska aurkeztera datoz.

Aurrerapen gisara esan, Azaroak 21ean, Bizardunak taldea izango dugula bisitari Bergarako gaztetxian,antolatzen ari garen 25. urteurrenaren jaiaren barruan.

kontzertuak zuzenean entzuteko aukera Txapa irratian FM-ko 97.25ean eta internet bidez http://www.txapairratia.org/ webgunean.

Oharra:Capsula eta Erantzun taldeen Textuak Entzun.com webgunetik hartuta.