Gainean dugu Martxoak 8. Hori dela eta ikuskizuna izango da Zarauzko Putzuzulo gaztetxean. Kantua, bertsoak, antzerkia, olerkiak, pintura,  probokazioa… eta dantza. Ikuskizuna zihurtaturik izango da larunbat gauean 11ak aldera eta gonbita luzatuta, emakumeen eguna modu berezian ospatu nahi duen ororentzat.

Ihauteriak eta gero nekatuta baina ikusitakoarekin gerora begira ilusioz topera horrela dabiltza gure txorimaloek. hemen daukazue ikusgai bideoa:

Click here to view the embedded video.

Adi egon! Oraindik badago karrozan parte hartzeko aukera! Txorimaloz karrozara joateko asmoa dutenentzat honako kedadak daude:

Ostirala: Koreografiaren azken ikutuak, azkenengo mozorroak hartzeko… 2 kedada daude deituak, bata arratsaldeko 18:00retan eta bestea 20:30eta(kontzentrazio ostean).

Larunbata: 17:00tetan Gaztetxean, karroza baino lehen gauzak hartzeko.

Igandea: 11:30etan Iparralde Gizarte Etxean bertan.

Iñauteri gabean Gaztetxean eta Hala Bedi tabernan DJ-ak egongo dira giroa berotzeko. Informazio gehiago www.txorionak.org web orrian.

Hor izan dira beti, txikitatik kuriositatez begiratu izan ditugun panpina berezi horiek. Botoiz egindako begi parea, lastoz betetako sabela, nonbait aurkitutako kapela buruan dutela. Ideia sarez jantziak, ortuetako babesle baldintza gabeak izan dira beti gure txorimaloak. Pasako da negua, elurte izugarriak, haize bolada ikaragarriak eta hor jarraituko dute, zutik. Pasako da uda, lehorteak, euri zaparradak. Pasako da udazkena, eroriko dira hostoak eta txorimaloek tente jarraituko dute beren lekuan, udaberrirako gero eta gutxiago falta dela jakinda.

Egia da. Hala Bedi Arabako irrati libreak eta Gasteizko gaztetxeak asko dute txorimalotik. Lehena 1983ko abuztuaren 4 batez sortu zen hiri honetan bertan eta 25 urte beteko ditu aurten, komunikatzeko modu ezberdin baten alde lanean. Bigarrena 1988ko San Prudentzio bezperan emandako ostiko batez jaio zen eta aurten beteko ditu bere 20 urteak, amets ezberdinen topaleku izan den gazteen etxeak. Biak ala biak proiektu askeak dira. Bide desberdinak egin badituzte ere, oinarri berdinetan sustraitzen diren alternatibak dira gasteiztarrontzat eta 2008an harrotasunez aldarrikatu nahi genituzke gure hirian hain beharrezko ditugun bi errealitate hauek.

Asanblada bidez egin dute aurrera biek. Eredu autoritario eta hierarkiakoetatik ihes eginez eta guztion parte-hartzea bermatuz. Urte luze hauetan burutu diren ekimen anitzek eta egunez egun egiten den lanak agerian uzten du asanbladaren eraginkortasuna. Irudimenari eta ilusioari eskerrak, berauetatik pasatako belaunaldi ezberdinek beraien arrastoa utzi dute hiri honetan. Eta hori asanbladarekin batera, Autogestioari esker izan da. Autogestioa da bi proiektuen bereizgarri nagusia. Instituzioen diru laguntzen menpe egon beharrean, guk geuk sortu ditugu geure beharrak asetzeko tresnak, inork baldintzatu gabe. Halere, autogestioa modu zabalagoan ulertzen dugu . Lan egiteko modu bat da guretzat. Profesionaletara jo beharrean ondoan daukanarengandik ikasiz, akatsetatik hobetuz, proiektu bakoitza autogestiorako bidean pauso txiki bezala ulertuz.

Txorimaloak gara beraz, generazio berri bakoitzarekin biziberritzen diren txorimaloak. Hasierako izpiritu berbera mantentzen duten txorimaloak. Batzuek beldurra izan digute hasieratik. Berezia edo desberdina dena baliorik ez duen zerbaitekin parekatu nahi izan dute, aurreiritziak landatuz eta epai faltsuak eginez. Urteen poderioz ordea, txori bihurri anitz gerturatu da guregana. Hain beldurgarriak ziren panpina haiek inor gutxi beldurtzen zuten beraiengana hurbildutakoan. Kuriositatez beteta hasieran, mesfidantzaz zenbaitetan. Baina denborarekin, gero eta gehiago izan dira gure ondora jolastera etorri diren txoriak. Txori hauek denak, Gasteizko herri mugimendu osoa bezain anitzak izan dira, kolore eta ideia desberdinetakoak.
Hala Bedi irratia eta Gasteizko Gaztetxea herri mugimenduaren bozgorailu eta tresnatzat ulertzen ditugu ezinbestean. Herri mugimenduari esker diraugu bizirik. Txori horiek guztiek eman diote zentzua gure eguneroko lanari, beharrezkoa izan denean euren berotasun osoa eskainiz.

Beren lurren aldeko borroka gogorrean daude maputxeak. Patricia Troncosok 3 hilabete bete ditu gose greban eta karabineroek Matias Catrileo gaztea tiroz hil zuten maputxeen lurraren aldeko borrokan (enpresari batek lapurtutako lurra berreskuratze-borrokan). Hala eta guztiz ere, mobilizazioak egunerokoak dira eta su-emateak eta sabotaiak ere lurralde gehienean daude.

Urtarrilak 19, eguerdiko 13:00etan Gasteizen, Korreos-en aurrean (posta kalea) Maputxe herriaren borrokaz elkartasunezko elkartaratzea egingo du Askapena elkarte internazionalistak. Hala Bedi irratiak Maputxe herriari bere elkartasuna adierazi nahi dio baita ere.

Karrozan parte hartzen ondo pasatu nahi duenak gauza bakarra egin behar du, Gaztetxean urtarrilaren 18an arratsaldeko 6etan egongo den bilera informatibora azaldu. Bertan jantzia egiteko materiala banatu eta karrozaren desfilea nola izango den azalduko da. Karrozaren desfilean apuntatzeko hainbat orri ipini dira Hala Bedi irratian eta Gaztetxe bertan, eta Parral, Sorgin eta Hala Bedi tabernetan. Animatu! Helburua ahalik eta jende gehien biltzea da!

TXORIONAK . 20 urte okupatzen, 25 komunikatzen. Aurten la liamos pajarraka!

Bi elkarteek oztoporik gabe lanean jarraitzeko duten zilegitasun eta eskubide osoa aldarrikatu nahi dute 2008 urtean. Urte luzeetan elkarte eta pertsona ugarirentzat tresna izan dira eta izaten jarraitzeko asmoarekin daude. Bestetik inposaturiko ereduetatik kanpo asanblada eta autogestioaren aukerak funtzionatzen dutenaren islada dira Gasteizko Gaztetxea eta Hala Bedi irratia.

Txorimalo batek urteetan zehar urtaro guztiak jasaten dituen bezela, urte luzez iraun dute bi elkarte hauek. Pasa dira alkate ezberdinak, pasa dira arrisku ugari baina hor jarraitu dute zutik. Eta aurten la liamos Pajarraka!

Ertzainak agertu eta zubian zintzilik zeuden kideak atxilotzeaz gain, behean argazkiak ateratzen ari ziren hainbat pertsona atxilotu zituzten. Irratiko korrespontsala atxilotua izan zen ere. Hainbat ordu lakuako komisaldegian pasa ondoren guztiak askatu zituzten.

Kazetaria beste komunikabide batekoa balitz atxilotuko lukete? Komunikabide gisa informatzeko eskubidea urratu zaigula iruditzen zaigu.

 Bukaeran epaia: Manex Agirre eta Maindi Murua aurrera. Hala ere dena ez dago egina. Oraindik kanporaketa bat gelditzen zaizue gozatzeko. Agurainen ostiralean 23: Itxaso Paia, Ekaitz Samaniego, Iker Iriarte, Maddi Gallastegi, Izar Mendiguren eta Iñaki Viñaspre arituko dira bertsotan Irati Lotinaren esanetara, final handirakorako azken bi txartelen bila. Animatu eta parte hartu!!

Bertsoak eta argazkiak ikusteko sartu htpp://bertxoko.halabedi.org 

Asteburu honetan Gasteizko alde zaharrean erdiaroko azoka ospatzen da eta aitzaki hori hartuz Gaztetxeak ordutegi eta eskaintza berezia egingo du. Larunbat eta igandean goizeko 11etatik aurrera pintxo bereziak eta sagardo upel erraldoia jarriko da gaztetxeko patioan. Aurrekoaz gain bi elkarteek beren material postua ere ipiniko dute. Musika eta giro aparta egongo da beraz asteburu honetan Gaztetxean.