Arrosa, Euskal Herriko Irrati-sarea » Irrati albisteak

TXAPA IRRATIKO KONTZERTUAK:MAIATZAK 14 WILLIS DRUMMOND + SUMMISION CITY BLUES

Txapa Irratia — Thu, 28 Apr 2011 08:46:27 +0000

Txapa irrati libreak antolaturiko emanaldien barnean, WILLIS DRUMMOND eta SUMISION CITY BLUES taldeak Bergarako gaztetxean ariko dira datorren Maiatzak 14 Larunbata gaueko 22:30 etan.
Iparraldeko Willis Drummond talde indartsuak “Istanteak” izeneko hirugarren diskoa aurkeztuko du . “Anthology”, taldearen izen bera daraman bigarren diskoa eta “Zuzenekoak” kaleratu ostean, Bidehuts plataformaren bitartez lan berria kalean da dagoeneko.

Beste inork ez bezala, post-hardcorea eta hard-rocka (!!) nahasten dituzte.Askok esan dute Euskal Herriko zuzeneko indartsuena eta irmoena dutela; eta ez da gutxiagorako. Entzun, ikusi eta K.O. eginda geldituko zara!

SUMISIÓN CITY BLUES (Gasteiz, EH) MinkDeville eta Cicatriz-en arteko ezinezko nahasketa. Tradizio fineneko ortodoxia eta gitarreo eleganteak azidoa bailiran begietatik sartzen. Lokatz eta zikinkerizko hitzak ahots mingarriz gure bizkarrak behin ta berriz gaztigatuz. Countrya batzutan, blues zikina besteetan erritmo dantzagarri batzuetaraino zukutuaz, baina beti dotore, beti zikin. Estreineko lanaren ataritan lehen aldiz Bergaran Gasteiztik datorren banda.
Esana nahikoa ez balitz, jakin dezazula taldea Obligaciones-tar Pelak eta Antik, LosPadrinos-tar Davidek, SextySexers-tar Josebak eta KikePenike bajistak osatzen dutela.

Kontzertua zuzenean entzuteko aukera izango da Txapa irratiaren bidez. FM-an entzuteko, 97.25 sintonizatu beharko da Bergara inguruan, eta internet bidez, http://www.txapairratia.org/ webgunearen bidez.

TXAPA IRRATIKO KONTZERTUAK:MARTXOAK 19 FIACHRAS ETA NORMAN

Txapa Irratia — Tue, 08 Mar 2011 13:35:23 +0000

Txapa irratiak urtean zehar antolatzen dituen kontzertuen barnean,datorren Martxoak 19 Larunbata FIACHRAS eta NORMAN taldeak izango ditugu Bergarako gaztetxian gaueko 22:30 etatik aurrera.

Fiachras taldearen Hiltzera goaz disko berriaren aurkezpen kontzertua eta beraiekin batera Eibarko Norman taldea izango dou Bergarako gaztetxeko taula gainean.

Kontzertuak 5 euro balioko ditu eta Fiachras taldearen diskoarekin 10 euro.
kontzertua zuzenean entzuteko aukera FM-ko 97.25ean eta internet bidez http://www.txapairratia.org/ webgunean.

Tas-Tas Irratiak web orri berria estreinatu du

Tastas Irratia — Wed, 16 Feb 2011 10:22:50 +0000

Astelehen honetan, otsailak 14, Tas-Tas Bilboko irrati libreak web orri berria estreinatu du bere betiko helbidean. Bertan, nobedade moduan, zenbait irratsaioren blogak topatu ahal dira: Kaleko Bentanie euskarazko magazina, Mar de Fueguitos eguerdian emitizen den saioa, Axa Mixa umeentzako irratsaioa, Mikamada hazkuntza naturalari buruzko saioa …) Bere presentzia sare sozialetan ere islatzen da web orri berrian. Honetaz gain, zuzeneko emisioa entzun daiteke eta irratiko saio eta audio esanguratsuenak ere entzun eta jaitsi ahal dira. Hemendik aurrera, nahi duenak web orriaren bitartez irratiko bazkide egiteko aukera izango du, laster 20 urte beteko duen irrati libre hau ekonomikoki sostengatzeko.

TXAPA IRRATIKO DENBORALDI BERRIKO PROGRAMAZIO AURKEZPEN KONTZERTUA

Txapa Irratia — Tue, 26 Oct 2010 13:50:53 +0000

Txapa irratia 26. urtez ere uhinetan egongo da! FM 97.20an Bergarako irrati libreak komunikabide eredu ezberdin bat posible dela frogatuko du beste behin. Herritarrei irekia, asanbladan oinarritutakoa, librea, ez komertziala eta pirata!… Aurten ere gure ezaugarriei eutsiko diegu eta teknologia berrietan eta Arrosa irrati sarean oinarrituta kalitatezko programazio bat eskainiko diegu Fm bitartez gurekin bat egiten duten Bergararrei eta internet bitartez entzuten gaituzten munduko hiritarrei!

Aurtengo berrikuntzen artean Sasi guztien azpitik Txapa kolektiboko irratsaio berezia nabarmenduko dugu. Kolektiboko irratsaio honetan asanbladan erabakitzen ditugun gaiak jorratuko ditugu. Asmoa maiztasun jakin batekin herriko gai sozialak lantzea izango da.Asteazkenetan arratsaldeko 20:00etan.

Astelehen eta Ostiraletan arratsaldeko 15:00etan Disko aurkezpenak ( irratira heltzen diren diskoen aurkezpenak) izango ditugu entzungai.

Astelehenetan Berbenir( jazz musika )20:00etan eta Ametsetako lurra ( musika ,literatura,….)22:00etan.

Asteartetan Kanpora begira (Osatzen dugun gizartea pixkat hobea izan dadin hainbat esparrutako elkarte eta erakundeek eginiko lana zabaltzen saiatzen gara. Munduko musikaz girotuta, elkarrizketa, albiste, ipuin eta errezeta bitartez, bizitzeko eta mundua ulertzeko ditugun era ugarien aniztasuna zuekin konpartitzen dugu). 21:00etan

Asteazkenetan Haundikeittan ( umore irratsaioa) 22:00etan eta Kaleko mobida ( punk&oi musika) 23:00etan

Ostegunetan kolax (Elemento ezberdinez osatutako kolax radiofonikoa; elkarrizketak, albisteak,….) 21:00etan eta Itzali telebista (Musika ) 22:00etan

Igandetan Bergara sutan (Gazte asanbladaren ahotsa hileko azken Igandean) 19:00etan.

Arrosa irrati sareko irratsaioak ere izango dittugu gure parrilla osatzeko,batzuk aipatze aldera Info 7 irratiko albistegiak (eguerdiko 13:30etan eta iluntzeko 20:00etan) izango ditugu aurten ere eguneroko albisteak jarraitu ahal izateko ,baita kalegorrian (7:30etan ) edo Suelta La Olla (10:00etan) magazin Halabeditarra goizero goizero eta arratsaldero Mar de fueguitos Bilboko tas tas irratiko irratsaio internazionalista 16:00etan.Aurtengo berrikuntzen artean Quark irratsaioa (Elhuiar fundazioak ekoizten duen teknologiari buruzko irratsaioa) izango dugu Asteazkenetan eguardiko 13:00etan.

Programazioaren aurkezpena

Urriak 29 Ostiralian Arratsaldeko 20:00etatik aurrera. Bergarako gaztetxean programazio berriaren aurkezpena egingo dugu, irratsaio ezberdinak aurkeztu eta ikasturteko berrikuntza guztiak nabarmenduz. Aurkezpen hau jai batekin osatuko dugu eta Napoka Iria Taldea izango da Gaztetxeko taula gainean.

Kontzertua zuzenean entzuteko aukera Txapa irratian FM-ko 97.20ean eta internet bidez http://www.txapairratia.org/ webgunean.

TXAPA IRRATIA FM 97.20

WWW.TXAPAIRRATIA.ORG

Mar de Fueguitos eta Tas-Tas Irratiko urteurrenetako kontzertu-jaia

Tastas Irratia — Tue, 25 May 2010 13:20:52 +0000

Mar de Fueguitos irratsaioak 10 urte betetzen ditu. Ospatzeko Bilbon, Kafe
Antzokian, ekainaren 19an gaueko bederatzi t’erdietan, kontzertu-jaia
antolatu du. Zenbait sorpresa egoteaz gain, jaian Iruñeako Gualitxo eta
Zaragozako Mallacan taldeek joko dute. Sarrerak 10 euro balio du eta
bilduko den dirua Tas-Tas Irratirako izango da. Gainera, aurten Tas-Tas
Irratiak 18 urte bete ditu; bi ospakizun ekitaldi batean beraz. Sarrerak
salgai egongo dira Kafe Antzokian, Tas-Tas Irratian eta Kafe Antzokiko web orrian.

Mar de Fueguitos irratsaioko 10. urteurreneko kontzertu-jaia
Ekainak 19 zapatua, 21:30etan, Kafe Antzokia, Bilbo
Gualitxo (Iruñea) eta Mallacán (Zaragoza)
Sarrera: 10 euro.

TXAPA IRRATIKO KONTZERTUAK :MAIATZAK 15 SEÑOR NO ETA CANCERBEROS

Txapa Irratia — Fri, 23 Apr 2010 16:20:36 +0000

Txapa irratiak urtean zehar antolatzen dituen kontzertuen barnean,datorren Maiatzak 15ean SEÑOR NO eta CANCERBEROS taldeak izango ditugu Bergarako gaztetxian gaueko 22:30 etatik aurrera.

SEÑOR NO taldeko donostiarrek osatzen duten taldea estimatuenetakoa da estatuko rock eremuan dabiltzanen artean. La Perrera taldea desegin ondoren sortu zen laukotea. Orain, punk rock soinu entzungarriak lantzen dituzte, eta zuzeneko emanaldi basati eta harrigarriak eskaintzen.

Urte guzti hauetan taldeak hainbat formazio aldaketa izan ondoren,gaur egun,Mikel (gitarra),Xabi (gitarra eta ahotsa),Unai (baxua) eta Artzak (bateria) osatzen dute taldea.

CANCERBEROS taldea Bartzelonatik dator,2002 .urtean sortu zen eta punk & rock musika dute gogoko.Dictators,MC5 eta Ramones bezalako taldeak dute gustoko.

Julian (ahotsa),Fosy (gitarra),Edu (bateria) eta Santoni (baxua) osatzen dute taldea.

Beraz,kontzertu basatia izango dou Maiatzalk 15ean Bergarako gaztetxian Txapa irratiaren eskutik.

Kontzertua zuzenean entzuteko aukera Txapa irratian FM-ko 97.25ean eta internet bidez http://www.txapairratia.org/ webgunean.

GAZTETXEKO ZINEKLUBA:ABENDUAN IRRATIARI BURUZKO PELIKULAK

Txapa Irratia — Thu, 03 Dec 2009 17:24:24 +0000

Txapa irratiaren 25.urteurrenaren baitan,gaztetxeko zineklubak, Abenduan irratiari buruzko 4 pelikula eskeiniko ditu , Igandetan arratsaldeko 18:30etan Bergarako gaztetxian.

Informazio gehiagorako:http://zinekluba.wordpress.com/

TXAPA IRRATIKO KONTZERTUAK: ABENDUAK 19 BASQUE COUNTRY PHARAONS ETA SUPER BIG MAMMA

Txapa Irratia — Wed, 25 Nov 2009 17:18:37 +0000

Txapa irratiak urtean zehar antolatzen dituen kontzertuen barnean,eta aurten 25.urteurrena ospatzen ari garela eta,datorren Abenduak 19 Larunbata gaueko 23:00etatik aurrera , Basque country pharaons eta Super big mamma taldeen kontzertua izango dugu Bergarako gaztetxian.

Basque Country PharaonsIruñeko laukotea da. Punka, rock & rolla, heavya eta soula nahasten dituzte beren zuzeneko dibertigarri eta eroetan. Pogues, Creedence, Dictators, Grand F. Railroad edota Wilson Picket bertsioneatzen dituzte taula gainean.Denbora luzez ixilik egon ostean hemen datoz berriz ere bueltan kontzertu gutxi batzuk emateko asmoz.

Beraiekin batera, Iruñeako Super big mamma talde berria izango dugu taula gainean.

kontzertua zuzenean entzuteko aukera Txapa irratian FM-ko 97.25ean eta internet bidez http://www.txapairratia.org/ webgunean.

Oharra:Basque country pharaons taldearen Textuak Entzun.com webgunetik hartuta.

TXAPA IRRATIAK 25 URTE

Txapa Irratia — Thu, 12 Nov 2009 15:40:49 +0000

Txapa Irratia 25 urte uhinetan!

Gaur egun, komunikabideak inoiz baino garatuago daudenean, telebistan inoiz baino kate gehiago ditugunean, pertsonen arteko komunikazioan gero eta gailu gehiago ditugunean, internet bidez informazioa gero eta gertuago dugunean; oraindik, Txapa Irratiak zentzua duela uste dugu, oraindik komunikabide ez komertzial, libre eta herriko baten sinesten dugu!

Orain dela 25 urte irratia sortu zutenek, beste garai bat bizi izan zuten. 80. hamarkadan, beraien garraxiak, musika,umorea, ironia eta ideiak transmititzeko beharra sentitu, irratia sortu eta hasi ziren txapa ematen. Guk gaur egun testuinguru guztiz ezberdinean beste behar batzuk dauzkagu agian, beste bide batzuk, garaiekin batera pirata izatearen zentzua aldatu da, eta teknikoki ere errazagoa izan daiteke, baina garrasi egiteko beharrak, gurea den komunikabidea izateko beharrak guregan dirau.

25 urte hauetan irratia oso modu ezberdinetan bizi izan duten pertsonak igaro dira asanblada eta estudioko mikroetatik;, denborapasa moduan, beraien musikarekin dantzarazteko gogoak erakarrita, ideia ezberdinak botatzeko gogoarekin edo zer egin ez jakin eta “irratsaio bat egingo dugu?”. Denetarik egon da eta aniztasun horrekin batera joan da irratia bere ibilbide gorabeheratsua egiten. Gaur 2009.urtean 25 urte betetzen ditu Txapak, 25 urte uhinak okupatzen, 25 urte pirata, 25 urte te jodes 40 principales!

Irratiaren urteurren hau ospatzeko ekintza ezberdinak antolatu ditugu, baina azaroaren 21ean bazkari berezi bat egiteko asmoa daukagu, urte hauetan bai hasieran bai azken urteetan ere irratian parte hartu duten ahotsak edo irratia entzuten zuten belarriak mahai baten inguruan bildu nahi genituzke. Anima zaitezte eta etorri Irratiko mahaira.

25.Urteurreneko egitaraua:

Irratsaio bereziak:Txapa irratian fmko 97.25ean

Azaroak 16 Astelehena :

21.30etan:2009-2010 programazioaren aurkezpena

23:00etan:txapa kontzertu zaharrak:Sexty sexers

Azaroak 17 Asteartea:

21.30etan:Txapa irratiaren historia

23:00etan:txapa kontzertu zaharrak:Hard-ons

Azaroak 18 Asteazkena:
21.30etan:Arrasateko itxungi irratiko eta Urretxu Zumarragako kkinzona irratiko kideekin solasaldia.
23:00etan:txapa kontzertu zaharrak:Willis drumond

Azaroak 19 Osteguna:
21.30etan:Mahai ingurua:komunikabideak gaur egun
23:00etan:txapa kontzertu zaharrak:Anestesia

Azaroak 20 Ostirala:
23:00etan:txapa kontzertu zaharrak:Royal canal

Azaroak 21 Larunbata:Urteurren Jaia Gaztetxian
12:30etan.Txapapoteoa txarangiakin
14.30etan :2009-2010 programazio aurkezpena
14:45etan.Babajana eta jarana (txartelak Arrano,Etxagi eta Pol-pol tabernetan 5 eurotan)
23:00etan:txapa kontzertu zaharrak:ama say

Azaroak 22 Igandea:
23:00etan:txapa kontzertu zaharrak:Txaparrada musikala.

Azaroak 16tik 22ra arratsaldeko 16:00etan Irratsaio zaharrak entzungai.

kuña txapa irratiak 25 urte egitaraua

TXAPA IRRATIKO KONTZERTUAK:Stockholm´s + Nabil Monsour +A rebote

Txapa Irratia — Mon, 26 Oct 2009 10:32:15 +0000

Elkartasun bira kontzertua

Urriak 30, ostirala Txapa jaia Bergarako gaztetxian:
Askapena eta Txapa irratiak elkartasun biraren baitan ostiral honetan kontzerua antolatu dugu. Bertan Stockholm´s talde akustikoa, Nabil Monsour bakarlari palestinarra eta A rebote rumba talde naparra arituko dira. Kontzertua gabeko 22:00etan hasiko da.

kontzertua zuzenean entzuteko aukera Txapa irratian FM-ko 97.25ean eta internet bidez http://www.txapairratia.org/ webgunean.