Arrosa, Euskal Herriko Irrati-sarea » Zaharrak Berri

Errepublika eta gerra zibila Markina-Xemeinen

Zaharrak Berri — Fri, 18 May 2012 08:38:42 +0000

Gaur Zaharrak Berri irratsaioan EHUko irakasle eta soziologoa den Patxi Juaristik Markinako fronteaz hitz egin digu. Ikertzaileak ehun testigantza baino gehiago bildu ditu eta 2011an Markinako frontea liburua argitaratu zuen.

Ondoren Juanjo Hidalgo Aunia aldizkariko kidearekin Euskal Herriko guadameziak aipatu ditugu. Larruz egindako koadroak dira guadameziak, eta XVI eta XVII. mendeetan ohikoak izan ziren arren oso gutxi gelditzen dira Euskal Herrian. Material organikoa denez kontserbatzio txarra dauka eta horregatik gelditzen dira hain gutxi.

Alba Fernandez eta Libe Ramilak grafitti-ei buruz hitz egin digute artearen txokoan. Banksy grafiteroren obrak aipatu dituzte, besteak beste.

Arrantzaleen mundua ZAHARRAK BERRIn

Zaharrak Berri — Fri, 11 May 2012 09:16:06 +0000

Ostegunetan ematen dugu historiaren berri Hala Bedi irratiaren sintonian, eta gure lana hori izaten denez, gaurkoan desagertzear dagoen lanbide bati buruz aritu gara. Arrantzaleei zabaldu dizkiegu ateak eta Luis Arregirekin hitzegin dugu. Arregi, Azti-Tecnalia Itsas eta Elikagaien Zentru Teknologikoko kidea da, eta orain del a hilabete batzuk ekin zioten proiektu bati buruz argibideak eman dizkigu: Arrantzaleen ezagutza proiektua. Arrantzaleen bizitza eta lanbideari buruzko jardunaldiak antolatzen ari dira Euskal Herriko hainbat herritan lanbide zahar bezain zail honi buruz.

Horretaz gain gure kolaboratzaileak ere etorri zira Zaharrak Berrira. Alde batetik, Jaione Agirre izan dugu gurean eta ibilaldi historiko eder bat proposatu digu: San Vicente de la Sonsierra eta Pecina herriak ezagutzera gonbidatu gaitu. Eta ibilbide honekin ez baduzue aski, historiari buruzko irakurketa batzuk ere proposatzen ditugu. Horretarako Xabi Gomez gure aditua etorri da eta nobedade bibliografikoak ekarri dizkigu.

Alan Turing matematikari baztertua Zaharrak Berrin

Zaharrak Berri — Fri, 04 May 2012 06:44:29 +0000

Gaur Irune Lasa kazetaria elkarrizketatu dugu Alan Turing matematikariari buruz hitz egiteko. Alan Turing-ek ordenagailuen sorrera izan zen teoria plazaratu zuen eta inteligentzia artifizialari buruz ere lehen teoriak eman zituen. Hala ere batez ere ezaguna da bigarren mundu gerran Alemaniarren Enigma zifratze makina famatua deskodetu zuelako. Bere ibilbide oparotsua Britainia Handiko gobernuaren erabaki batek moztu zuen.

Klasikoak Gaur atalean Hedoi Etxartek eta Jabi Fernandez-ek Lenin-i buruz hitz egin digute. Leninek literatura eta kulturaz zuen iritziaz aritu dira. Pertsonaia historiko honen alderdi ez hain ezaguna.

Bukatzeko historiak eta arteak sortutako albiste kuriosoak aipatu ditugu.

Batxikaboko erretaula Zaharrak Berri irratsaioan

Zaharrak Berri — Fri, 27 Apr 2012 09:24:08 +0000

Apirileko ostegun honetan artelan multzo bat ekarri dugu ZAHARRAK BERRIra. Batxikaboko erretaulak dira, eta pluralean diogu bi erretaula direlako, bata bestearen atzean. 2006an hasi ziren Batxikabo herri txikiko egurrezko erretaula zaharberritzen, eta haren atzean horman pintatutako beste bat aurkitu zuten zaharberritzaileek. Historia bitxia daukate biek. Zaharberrikuntza prozesua nolakoa izan den kontatuko digu estudioan izan dugun Dolores Sanz zaharberritzaileak.

Horretaz gain Etor Telleria gure arkeologiak arkeologia industriala zer den eta nola egiten duten lan azaldu digu. Eta saioa bukatze aldera, Manex Mantxola eta Fermin Txibitek literaturaren mundura eraman gaituzte. Jack Kerouac-en On the road, eta Chuck Palahniuk-ren Fight Club liburuen inguruan hitzegingo digute.

“Euskal Herriko historiari ekarpenak” liburua ZAHARRAK BERRIn

Zaharrak Berri — Fri, 20 Apr 2012 11:43:22 +0000

Historia izaten dugu hizpide Zaharrak Berrin, eta aste honetan liburu bat irakurtzeko gonbidapena luzatu dugu gure osteguneroko irratsaioan. Gizarte Ikerketarako Talde Eragilearen (GITE-IPES) eskutik argitara atera den liburu bati buruz hitzegingo digu elkarte honen lehendakariak, Lourdes Rodríguezek. Elkarte hau giza zientzien arloan zabalpen lan garrantzitsua egiten ari da, eta Zaharrak Berrin ezagutzera ematen dugun liburua da haien lanaren emaitzetako bat. “Euskal Herriko historiari ekarpenak” da bere izenburua eta bertan isilaraziak eta ezkutaraziak izan diren errealitate sozialak ematen ditu ezagutzera.

Gure kolaboratzaileek ere izan dute tartea Zaharrak Berrin. Artearen historian adituak diren Alba eta Libek Amedeo Modigliani (1884-1920) margolari italiarraren bizitza eta obrari buruz aritu dira. Bestalde, Juanjo Hidalgo Aunia kultur elkarteko kidea eta gure kolaboratzaileak, Euskal Herrian kontserbatzen diren aztarna aurrerromanikoak ekarri ditu Zaharrak Berrira. Ez dira asko aztarna hauek, baina berebiziko garrantzia dute X. mendean datatu daitezkeen aztarnak direlako.

Zaharrak Berri: Elkanori buruzko ikuspegi berria, ibilaldi historikoa eta liburu nobedadeak

Zaharrak Berri — Sat, 24 Mar 2012 10:16:31 +0000

Aste honetan Juan Sebastian Elkanori buruzko gazte eta haurrentzako liburua aipatu dugu, ibilbide historiko kulturala izan dugu Jaione Agirrerekin eta historiarekin lotura duten liburu berrien argitalpenak izan ditugu Xabi Gomezen eskutik.

Udaberririk ankerrena Zaharrak Berri irratsaioan

Zaharrak Berri — Fri, 16 Mar 2012 10:25:40 +0000

Gaur osteguna izanik berriz ere uhinetan murgildu gara Zaharrak Berriko kideak. Saio honetarako aukeratu dugun gaia historiarekin harreman zuzena duen obra berri bat izan da. Komiki bat da, Udaberririk ankerrena da bere izenburua eta euskaraz idatzita dago. Gidoia eta testuak Unai Iturriagak idatzi ditu eta irudiak berriz, Alex San Vicente margolariaren lana izan dira. Komiki honen protagonistak bi ume eta bere aitona dira eta Gerra Zibilean Euskal Herrian bizitutako gertakari latzenetariko batetan kokatua dago: 1937ko udaberrian gertatu zen Durangoko bonbardaketa. Unai Iturriagarekin izan dugu elkarrizketa eta berak kontatu dizkigu komiki eta historia honen xehetasun guztiak.

Gero, gure ohiko kolaboratzailea den Hedoi Etxarteren tartetxo bat izan dugu. Eta guzti hori girotzeko, musika ere izan dugu. Oraingoan klasiko bat aukeratu dugu, hain zuzen Etta James blues kantari haundia. Bere biografiaren pasarte txiki batzuk kontatu ditugu, baina batez ere bere ahots bizia eta entzuteko parada izan dugu. Orain dela gutxi zendu den blues emakume haundi honi Zaharrak Berritik egindako gure omenaldi xumea.

Zaharrak Berri — Fri, 09 Mar 2012 17:16:36 +0000

Gaurko saioan literatura izan dugu ardatz nagusi bezala ZAHARRAK BERRIn. Hasteko, Amaia Álvarez ikerlariak bere tesi doktoralean garatu duen gaiari buruz hitzegin digu: Katalina Eleizegi (1889-1963) antzerkigile gipuzkoarra eta euskalduna. Emakume hau XX. mende hasieran euskaraz antzezlanak idazten hasi zen emakume aintzindaria dugu. Idazle garrantzitsu bezain ezezaguna. Bere biografia eta obraren ezaugarriak azaltzen dizkigu Amaia Álvarezek, horrela emakume idazle honen aportazioak ezagutzera emanez.

Literaturarekin jarraitzeko, gure kolaboratzaile diren Manex Mantxola eta Fermin Txibitek Mary Shelleyren Frankenstein obra klasikoari buruz jardun dute. Eta saioari amaiera emateko, eta horrekin batera, literaturarekin bukatzeko, arkeologiari buruz aritu gara Zaharrak Berriko arkeologoarekin, Etor Telleriarekin hain zuzen. Denon artean arkeologi museoei buruzko mahainguru bat izan dugu.

Zaharrak Berrin “Al otro lado” filma, Tximistarriak eta Aurelio Arteta

Zaharrak Berri — Fri, 02 Mar 2012 08:57:47 +0000

Gaurko saioan Asier Salazarrekin Fatih Akin zuzendariaren “Al otro lado” (2007) filma aipatu dugu. Ondoren Aunia aldizkariko Juanjo Hidalgorekin Tximistarriaren historiaz jardun dugu eta bukatzeko Alba Fernandez eta Libe Ramila kolaboratzaileek Aurelio Arteta margolariaren inguruan hitz egin digute.

Zaharrak Berrin Euskal irratigintzaren 80 urteak gogoan

Zaharrak Berri — Fri, 24 Feb 2012 09:22:29 +0000

Euskal irratigintzaren historia errepasatu dugu komunikazioan aditua den Koldo Ordozgoitirekin. Donostian martxoaren 1ean eta 2an izan behar diren Euskaraz hegaz: euskal irratiak 80 urte jardunaldiak izan ditugu aipagai.

Bestetik kolaborazioetan Jaionek Agirrek Gasteizko Artxibo Probintzialean aurkitu dezakegun Verdaderamente falso erakusketaz hitz egin digu. Bukatzeko Xabi Gomezek historiarekin erlazionaturiko hainbat liburu, komiki eta dokumental proposatu dizkigu.